पुणे : पुणे जिल्ह्यात अजितदादांच्या जोरदार मुसंडी मारल्याचे चित्र दिसू लागले आहे. आतापर्यंत मिळालेल्या माहितीनुसार पुण्यात राष्ट्रवादी पक्ष धुरंधर ठरला असून तब्बल २६ जागांवर आघाडी घेतली आहे. यावरून पुण्यात अजितदादांची राष्ट्रवादी सर्वाधिक जागा मिळवणार असल्याचे चित्र दिसू लागले आहे. सध्याच्या अपडेटनुसार भाजप ६ जागांवर शिवसेना ३ आणि उद्धवसेना २ जागांवर आघाडीवर आहे. काँग्रेसने अजूनही खाते उघडले नाहीये.
या निवडणुकीसाठी जिल्हा परिषदेच्या ७३ गटांसाठी २९९ उमेदवार, तर पंचायत समित्यांच्या १४६ गणांसाठी ५२८ उमेदवार रिंगणात होते. गेल्या वेळेच्या तुलनेत यावेळी मतदानात सुमारे दीड टक्का घट झाली. गेल्या वेळी ७०.३५ टक्के मतदान झाले होते. शनिवारी झालेल्या मतदानानंतर या सर्व उमेदवारांचे भवितव्य मतदान यंत्रात बंद झाले. दरम्यान, मतमोजणी सुरु आहे. सर्वाधिक मतदान राजगड तालुक्यात ७९.३० टक्के, तर सर्वात कमी बारामती तालुक्यात ५४.९० टक्के झाले. मुख्यमंत्री अजित पवार यांच्या निधनानंतर जुने सत्ताधारी राष्ट्रवादी काँग्रेस आपला गड राखणार की विरोधक सत्तांतर घडवणार, याकडे संपूर्ण राज्याचे लक्ष लागले आहे. या मतमोजणीला सकाळी दहापासून सुरुवात होणार आहे. यासाठी जिल्ह्यात १३ ठिकाणी स्वतंत्र मतमोजणी केंद्रांची व्यवस्था करण्यात आली असून, आवश्यक ती सर्व तयारीची पूर्तता करण्यात आली आहे. वेल्हे येथे सर्वांत कमी तर जुन्नर तालुक्यात सर्वाधिक ४० टेबलांवर मतमोजणी सुरु आहे. दुपारी २ वाजेपर्यंत संपूर्ण निकाल समोर येणार आहे.
आतापर्यंतचे पक्षीय बलाबल
भाजप - 6शिवसेना -3उद्धवसेना - 2राष्ट्रवादी (अजित पवार) - 26काँग्रेस - 0राष्ट्रवादी (शरद पवार) - 1जनसुराज्य - 0रयत क्रांती - 0
Web Summary : Ajit Pawar's NCP dominates Pune ZP election results with a significant lead in 26 seats. BJP secures 6, Shiv Sena 3, and Uddhav Sena 2. Congress yet to open its account. Counting continues across 13 centers.
Web Summary : अजित पवार की NCP पुणे ZP चुनाव में 26 सीटों पर आगे है। बीजेपी को 6, शिवसेना को 3 और उद्धव सेना को 2 सीटें मिलीं। कांग्रेस का खाता खुलना बाकी है। 13 केंद्रों पर गिनती जारी है।