भोर (पुणे) - भोर तालुक्यातील न्हावी गावातील न्यू इंग्लिश स्कूलमध्ये विद्यार्थ्यांच्या कपाळावरील टिळ्यावरून वाद निर्माण झाला. विद्यार्थ्यांना कपाळावर टिळा लावून शाळेत येण्यास विरोध केल्याचा आरोप मुख्याध्यापक एस. एन. कांबळे यांच्यावर करण्यात आला. या घटनेनंतर परिसरात काही काळ तणावाचे वातावरण निर्माण झाले. मिळालेल्या माहितीनुसार, काही विद्यार्थ्यांनी कपाळावर टिळा लावून शाळेत आल्यानंतर मुख्याध्यापकांनी त्यास विरोध केल्याचा आरोप करण्यात आला. ही बाब समजताच काही हिंदुत्ववादी कार्यकर्त्यांनी शाळेत धाव घेत मुख्याध्यापकांना जाब विचारला. कार्यकर्त्यांनी प्रश्नांची सरबत्ती करत मुख्याध्यापकांना धारेवर धरले. यावेळी शाळेच्या परिसरात काही काळ गोंधळाचे वातावरण निर्माण झाले. विद्यार्थ्यांना टिळा लावून शाळेत येण्याची मुभा द्यावी, अशी मागणीही करण्यात आली.दरम्यान, वाढता वाद लक्षात घेऊन मुख्याध्यापकांनी स्पष्टीकरण देत शाळेत टिळा लावण्यास कोणतेही बंधन नसल्याचे स्पष्ट केले. तसेच विद्यार्थ्यांना टिळा लावून शाळेत येण्यास परवानगी असल्याचे सांगितले. भविष्यात पुन्हा असा प्रकार घडल्यास तीव्र आंदोलन छेडण्याचा इशारा हिंदुत्ववादी कार्यकर्त्यांनी दिला आहे. या घटनेमुळे भोर तालुक्यातील शैक्षणिक वर्तुळात चर्चा रंगली आहे.
Web Title : High voltage drama in school over Tilak; what exactly happened?
Web Summary : Controversy erupted at Bhor's New English School after the headmaster allegedly opposed students wearing tilak. Hindu activists protested, demanding permission for tilak. The headmaster clarified there are no restrictions, averting further agitation. The incident sparked discussions in educational circles.
Web Title : स्कूल में तिलक को लेकर हाई वोल्टेज ड्रामा; वास्तव में क्या हुआ?
Web Summary : भोर के न्यू इंग्लिश स्कूल में तिलक पहनने पर विवाद। प्रधानाध्यापक पर छात्रों को तिलक लगाने से रोकने का आरोप। हिंदू कार्यकर्ताओं ने विरोध प्रदर्शन किया, तिलक की अनुमति मांगी। प्रधानाध्यापक ने प्रतिबंध से इनकार किया, जिससे आंदोलन टला। घटना से शिक्षा जगत में चर्चा।