पुणे : सोशल मीडियावरील स्वयंघोषित रीलस्टार संतोष पंडित याच्याविरोधात पुण्यातील पर्वती पोलिस ठाण्यात गुन्हा दाखल करण्यात आला आहे. महिला पत्रकाराशी अर्वाच्य भाषा वापरणे, कपड्यांवरून अश्लील टिप्पणी करणे तसेच तिच्या इच्छेविरुद्ध मोबाइलमध्ये चित्रीकरण केल्यामुळे त्याच्याविरोधात हा गुन्हा दाखल करण्यात आला. ही घटना पुण्यातील टिळक रस्त्यावर सोमवारी (३० मार्च) घडली.
नाशिक येथील अशोक खरात प्रकरणाचा निषेध करण्यासाठी टिळक रस्त्यावरील सर्व महाविद्यालयांजवळ आंदोलन ठेवण्यात आले होते. संबंधित महिला पत्रकार आंदोलनाचे कव्हरेज करण्यासाठी त्या ठिकाणी गेल्या होत्या. याचवेळी संतोष पंडित घटनास्थळी आला आणि पत्रकारांवर संताप व्यक्त करत अर्वाच्य भाषेत बोलू लागला. त्याने या महिला पत्रकाराच्या अंगावरील कपड्यांवरून अश्लील टिप्पणी केली.
तिच्या इच्छेविरुद्ध मोबाइलद्वारे चित्रीकरण केल्याचेही समोर आले आहे. याप्रकरणी संबंधित महिला पत्रकाराने दिलेल्या तक्रारीवरून पर्वती पोलिस ठाण्यात भारतीय न्याय संहिता (बीएनएस) कलम ७५, ७८, ३५२, ३५१(१) आणि २९६ अंतर्गत गुन्हा दाखल करण्यात आला आहे. सध्या या प्रकरणाचा तपास सहायक पोलिस निरीक्षक सुभाष महाले करत असून, पुढील चौकशी सुरू आहे.
Web Summary : Santosh Pandit faces charges in Pune for verbally abusing a female journalist, making lewd comments about her clothing, and filming her without consent during a protest coverage. Police have registered a case and are investigating.
Web Summary : पुणे में महिला पत्रकार के साथ दुर्व्यवहार, अभद्र टिप्पणी और बिना अनुमति वीडियो बनाने के आरोप में संतोष पंडित के खिलाफ मामला दर्ज किया गया। पुलिस मामले की जांच कर रही है।