राजगुरूनगर : राजगुरूनगर नगरपरिषदेच्या निवडणुकीसाठी रणधुमाळी सुरू झाली असून, चुरशीची चौरंगी लढत होणार आहे. नगराध्यक्षपदासाठी भाजप, शिवसेना, राष्ट्रवादी आणि शिवसेना (उद्धवसेना) यांच्या गटांमधील खरी लढत रंगणार आहे.
राजगुरूनगर नगरपरिषदेच्या नगराध्यक्षपदासाठी भाजप, शिवसेना, राष्ट्रवादी, उद्धवसेना अशा चार पक्षांचे उमेदवार आणि एक अपक्ष उमेदवार रिंगणात आहेत. तीन नगरसेवक बिनविरोध झाल्यामुळे नगरसेवकपदासाठी १८ जागांसाठी ५९ उमेदवार उभे आहेत. त्यामध्ये भाजपचे १२, राष्ट्रवादीचे १४, शिवसेनेचे १५ आणि अपक्ष १४ उमेदवार आहेत. या निवडणुकीत महायुतीत असलेल्या तिन्ही पक्षांनी पूर्ण ताकदीने भाग घेतल्यामुळे एकमेकांना मदत होण्याची शक्यता कमी आहे. भाजपचा दावा आहे की, “राज्यात खऱ्या अर्थाने आमची सत्ता आहे. पाणी आणि सांडपाणी योजना आम्हीच आणली आहेत, त्यामुळे विकासही आम्हीच करू शकतो.” तर राष्ट्रवादी काँग्रेसची भूमिका अशी आहे की, “सत्तेत असल्यामुळे आपण हुतात्मा राजगुरू स्मारक, क्रीडा संकुल, अंतर्गत रस्ते, पूल, न्यायालयाची इमारत आणि पोलिस ठाण्याची इमारत यांसारखी कामे केली आहेत आणि यापुढेही विकासाची कामे आम्हीच करू शकतो. शिवसेनेतील (शिंदेसेना) उमेदवारांचा दावा आहे की, “पाणी आणि सांडपाणी योजनेत अनेक त्रुटी असून त्या पूर्णत्वाकडे गेल्या नाहीत. तसेच शहराच्या अनेक मूलभूत समस्यांच्या निराकरणासाठी व गावाच्या योग्य विकासासाठी आम्ही शिवसेनेत घेतले.”
महाविकास आघाडीतील शिवसेनेचा (उद्धवसेना) एकमेव उमेदवार असून त्यांना काँग्रेस आणि राष्ट्रवादी पक्षांचा फायदा होऊ शकतो. उमेदवारांनी प्रचाराच्या मुद्द्यावरही अनेकांनी तयारी सुरू केली आहे. शहराच्या विकासाचे प्रश्न, रखडलेले मुद्दे, तसेच उमेदवार व पक्षांचे जाहीरनामे व वचननामे प्रचारात प्रमुख ठरण्याची शक्यता आहे. यासह प्रतिस्पर्ध्यांमध्ये आरोप-प्रत्यारोपांचीही फेरी पडणार आहे. सर्व उमेदवारांनी एकमेकांशी गाठीभेटींवर भर दिला आहे. रॅली आणि प्रभागातून प्रचारफेरी काढली जात आहेत. उमेदवारांनी प्रचारपत्रके, चित्रफिती, गल्लोगल्ली फिरणाऱ्या रिक्षा यांसह शहरात रणधुमाळी रंगवली आहे. मतदारांना लक्ष्मी दर्शन होऊ लागले असून थंडीत उबदार स्वेटर, महिलांना साड्या व विविध वस्तू वाटप सुरू असल्याचे दिसत आहे. दरम्यान, राजकीय नेत्यांकडून मतदारांना जागरूक राहून केवळ विकासाच्या मुद्द्यांवर मतदान करण्याचे आवाहन देखील करण्यात येत आहे.
Web Summary : Rajgurunagar sees a fierce four-way mayoral contest between BJP, Shiv Sena, NCP, and Uddhav Sena. Development claims and counterclaims dominate campaigning as candidates woo voters with promises and gifts. Key issues include water projects and infrastructure.
Web Summary : राजगुरुनगर में भाजपा, शिवसेना, एनसीपी और उद्धव सेना के बीच महापौर पद के लिए कड़ी टक्कर है। विकास के दावे और प्रतिदावे प्रचार पर हावी हैं क्योंकि उम्मीदवार वादों और उपहारों के साथ मतदाताओं को लुभा रहे हैं। पानी की परियोजनाएं और बुनियादी ढांचा प्रमुख मुद्दे हैं।