पुणे : ससून रुग्णालयातून आरोपीने सोमवारी (दि.१९) पलायन केल्याचा प्रकार घडला. रविवारी दुपारी फिटसारखे झटके येत असल्या कारणास्तव त्याला रुग्णालयातील वॉर्ड नं. १६ मध्ये दाखल करण्यात आले होते. मात्र, खोलीतील स्वच्छतागृहाच्या काचा काढून, इमारतीच्या रंगकामासाठी उभारलेल्या बारच्या साहाय्याने तो पळून गेला असल्याची माहिती ससून प्रशासनाने दिली.
सनी गौतम कुचेकर असे पळून गेलेल्या आरोपीचे नाव आहे. त्याला फिटसारखे झटके येऊ लागल्याने त्याला ससून रुग्णालयात दाखल करण्यात आले. रात्रीच्या वेळेस त्यास पुन्हा झटके आल्याने त्याला आयसीयूमध्ये ठेवण्यात आले होते. त्याच्यावर औषधोपचार सुरू होते. परिचारिकांनी त्याला इंजेक्शनही दिले होते. काही वेळानंतर त्याला बरे वाटू लागल्यानंतर त्याने पोलिस कर्मचाऱ्यांची नजर चुकवून् पळ काढला. परिचारिकांनी पाहिले तेव्हा आरोपीच्या बेड्या खाटेला बंद अवस्थेत तशाच होत्या.
आरोपीची अंगकाठी बारीक असल्याने बेड्यांमधून त्याने सुटका करून घेतली असावी. स्वच्छतागृहाच्या काचा काढून, इमारतीच्या रंग कामासाठी उभारलेल्या बारच्या साह्याने त्याने पलायन केले असल्याचे ससून प्रशासनाकडून सांगण्यात आले. स्वच्छतागृहाच्या खिडकीतून बाहेर आलेला कैदी सीसीटीव्हीत कैद झाला आहे. याबाबत पोलिस प्रशासनालाही माहिती दिली असून, पुढील तपास सुरू आहे.
Web Summary : An accused escaped from Sassoon Hospital in Pune after feigning illness. He removed bathroom glass and fled using scaffolding. Police investigation underway.
Web Summary : पुणे के ससून अस्पताल से एक आरोपी बीमारी का बहाना बनाकर फरार हो गया। उसने बाथरूम का शीशा निकाला और मचान का उपयोग करके भाग गया। पुलिस जांच जारी है।