पुणे : धारदार शस्त्राने वार केलेल्या गुन्ह्यासह व्यावसायिकावर गोळी झाडून २८ लाख लुटण्याच्या प्रकरणात दुहेरी मोक्काअंतर्गत कार्यवाही केलेल्या आरोपीला मुंबई उच्च न्यायालयाकडून अटी शर्तींवर जामीन मंजूर करण्यात आला. अविनाश रामप्रताप गुप्ता असे जामीन झालेल्या आरोपीचे नाव आहे. या दोन्ही गुन्ह्यांमध्ये आरोपीला टोळीप्रमुख दाखवलेले होते. आरोपीने ॲड. सुशांत तायडे यांच्यामार्फत जामिनासाठी अर्ज केला होता. शिवाजीनगर येथील विशेष मोका न्यायालयाने आरोपीचा जामीन नामंजूर केल्यानंतर आरोपीने उच्च न्यायालयाकडे धाव घेतली.
आरोपी तीन वर्षे कारागृहात आहे, दुहेरी मोका जामीनास अडथळा ठरू शकत नाही असे युक्तिवाद आरोपीचे वकील ॲड. सुशांत तायडे यांनी केला. मात्र यावर आक्षेप घेत सरकारी वकिलांनी दुहेरी मोका, दोन्ही गुन्ह्यात टोळी प्रमुख, धारदार शस्त्राने वार करून फिर्यादी यास गंभीर जखमी केल्यामुळे जामीन मिळण्यास विरोध दर्शविला. दोन्ही पक्षाचा युक्तिवाद ऐकून न्यायमूर्ती शिवकुमार दिघे यांनी अटी शर्तीवर जामीन मंजूर केला. ॲड. सुशांत तायडे यांना प्रज्ञा कांबळे-तायडे, दिनेश जाधव, जितू जोशी, शुभांगी देवकुळे व सुजित पडवी यांनी सहकार्य केले.
Web Summary : The Bombay High Court granted conditional bail to an accused in a double MCOCA case involving armed assault and a 2.8 million rupee robbery. The accused, Avinash Rampratap Gupta, was designated as a gang leader. He had been imprisoned for three years.
Web Summary : बॉम्बे उच्च न्यायालय ने सशस्त्र हमले और 28 लाख रुपये की लूट में शामिल एक दोहरे मकोका मामले के आरोपी को सशर्त जमानत दी। आरोपी अविनाश रामप्रताप गुप्ता को गिरोह का नेता नामित किया गया था। वह तीन साल से जेल में था।