Mask Compulsory! पुणेकरांचा मास्क घालण्यासाठी हलगर्जीपणा; दहा दिवसात ३३ लाखांचा दंड वसूल

सार्वजनिक ठिकाणी मास्क वापरणे बंधनकारक केले असून त्याची तपासणी कडक करण्यात येत आहे

पुणे : कोरोनाचा संसर्ग वाढून देशात तिसरी लाट आली आहे. पुणे शहरातही दररोज ५ हजार नवीन रुग्ण आढळून येत आहेत. अशा वेळी सार्वजनिक ठिकाणी मास्क वापरणे बंधनकारक केले असून त्याची तपासणी कडक करण्यात आली आहे. गेल्या १० दिवसात पुणे शहर पोलीस दलाने विनामास्क फिरणाऱ्या ७ हजार ७७५ नागरिकांवर कारवाई केली असून,त्यांच्याकडून ३३ लाख २ हजार १०० रुपयांचा दंड वसूल केला आहे.

५० रुपयांचा मास्क की ५०० रुपयांचा दंड

यापूर्वी मास्कचे दंड खूप होते; मात्र आता अतिशय माफक दरात सर्वत्र एन ९५ चे मास्कही भरपूर प्रमाणात उपलब्ध आहे. असे असतानाही अनेक नागरिक मास्क वापरत नाहीत. त्यामुळे ५० रुपये किंवा त्यापेक्षा कमी किमतीत मिळणारा मास्क न वापरल्याने ५०० रुपयांचा भुर्दंड तुम्हाला बसू शकतो.

यापूर्वी पहिल्या व दुसऱ्या लाटेच्या काळात पुणे पोलिसांनी ५ लाख ४२ हजार ३७४ नागरिकांना विनामास्कची कारवाई केली असून त्यांच्याकडून तब्बल २६ कोटी ५२ लाख १९ हजार ६५० रुपये दंड वसूल केला आहे.

दिवस                   कारवाई                      दंड

७ जानेवारी             ३९१                      १९५५००

८ जानेवारी             ७२९                      ३५७०००

९ जानेवारी             ८०५                      ४०२५००

१० जानेवारी         १०५२                      ४२६०००

११ जानेवारी         १०८५                      ४४२५००

१२ जानेवारी          ९६९                       ४८४५००

१३ जानेवारी          ८९५                       ४४७५००

१४ जानेवारी          ८४२                       ४२१०००

एकूण                   ७७७५                      ३३०२१००