पुणे : पुणे महापालिका निवडणुकीच्या पार्श्वभूमीवर भाजप आणि शिंदेसेना यांच्यात युती होणार, या चर्चांना अखेर पूर्णविराम मिळाला आहे. उमेदवारी अर्ज मागे घेण्याची मुदत संपल्यानंतर युती न झाल्याचे स्पष्ट झाले असून, शिंदेसेना ही निवडणूक स्वबळावर लढवत असल्याची माहिती विधान परिषदेच्या उपसभापती नीलम गोऱ्हे यांनी दिली.
गोऱ्हे यांनी पत्रकार परिषदेत सांगितले की, पुणे महापालिकेसाठी शिंदेसेनेने सुरुवातीला १२५ उमेदवारांना एबी फॉर्म दिले होते. मात्र, विविध कारणांमुळे ७ उमेदवारांनी आपले अर्ज मागे घेतले. त्यामुळे आता प्रत्यक्ष निवडणूक रिंगणात शिवसेनेचे एकूण ११८ उमेदवार आहेत. पुण्यासह पिंपरी-चिंचवड महापालिकेची निवडणूकही शिंदेसेना स्वबळावर लढणार असल्याचे त्यांनी स्पष्ट केले. भाजपसोबत युती न होण्याबाबत बोलताना गोऱ्हे म्हणाल्या की, शिंदेसेना आणि भाजप यांची युती व्हावी, ही पक्षाची पहिल्यापासूनच भूमिका होती. मात्र, जागावाटपाचा तिढा सुटू शकला नाही. त्यामुळे दोन्ही महापालिका निवडणुका स्वबळावर लढण्याचा निर्णय घ्यावा लागला. पुणे शहरासाठी स्वतंत्र ‘वचननामा’ लवकरच प्रसिद्ध करण्यात येणार असून, त्यामध्ये शहराच्या सर्वांगीण विकासाची भूमिका आणि पुढील पाच वर्षांचा विकास आराखडा मांडला जाणार आहे, असेही गोऱ्हे यांनी सांगितले. शिंदेसेनेच्या प्रचाराची सुरुवात आज, शुक्रवारी, उद्योगमंत्री उदय सामंत यांच्या हस्ते दगडूशेठ गणपतीचे दर्शन घेऊन होणार आहे. दरम्यान, पुणे व पिंपरी-चिंचवडमधील उमेदवारांच्या प्रचारासाठी उपमुख्यमंत्री एकनाथ शिंदे यांची ९ तारखेला पुण्यात जाहीर सभा आयोजित करण्यात आली असून, राज्यातील विविध आमदारही प्रचारासाठी पुण्यात येणार असल्याची माहिती नीलम गोऱ्हे यांनी दिली.
Web Summary : Shinde Sena will contest Pune Municipal Corporation elections independently with 118 candidates. Alliance talks with BJP failed due to seat sharing disagreements. A development-focused manifesto will be released soon. Campaign starts with Uday Samant, Eknath Shinde's rally on 9th.
Web Summary : शिंदे सेना 118 उम्मीदवारों के साथ पुणे नगर निगम चुनाव स्वतंत्र रूप से लड़ेगी। सीट बंटवारे पर असहमति के कारण भाजपा के साथ गठबंधन वार्ता विफल रही। विकास-केंद्रित घोषणापत्र जल्द ही जारी किया जाएगा। उदय सामंत के साथ अभियान शुरू, 9 को एकनाथ शिंदे की रैली।