पिंपरी : महापालिकेच्या महापौर व उपमहापौर पदाच्या निवडणुकीसाठी शुक्रवारी (६ फेब्रुवारी) सकाळी ११ वाजता विशेष सभा आयोजित केली आहे. दरम्यान, महापालिकेच्या नगरसचिव कार्यालयाकडून यासंदर्भात शनिवारी (२४ जानेवारी) परिपत्रक काढण्यात आले.
महापौर व उपमहापौर पदासाठी इच्छुकांनी सोमवारी (२ फेब्रुवारी) दुपारी ३ ते ५ या वेळेत नगरसचिव कार्यालयात अर्ज दाखल करावेत. उमेदवारी अर्ज कार्यालयीन वेळेत उपलब्ध राहणार असून, ते पूर्ण भरून त्याच दिवशी सादर करणे आवश्यक आहे, असे परिपत्रकात म्हटले आहे.
महापालिकेचे महापौरपद सर्वसाधारण गटासाठी खुले झाल्याचे स्पष्ट करण्यात आले आहे. स्थायी समिती व विविध विषय समित्यांवरील सदस्यांची नियुक्तीही याच निवडणूक प्रक्रियेंतर्गत करण्यात येणार आहे. समित्यांमध्ये महिलांचे प्रतिनिधित्व किमान ५० टक्के राहील, याची तरतूदही करण्यात आली आहे. महापालिकेच्या या विशेष सभेचे पीठासीन अधिकारी म्हणून सहकार आयुक्त दीपक तावरे यांची नियुक्ती करण्यात आली आहे. महापौर व उपमहापौर पदाची निवड महाराष्ट्र महापालिका अधिनियम १९४९ तसेच महापौर व उपमहापौर निवड नियम २००६ व त्यानंतरच्या सुधारित नियमांनुसार पार पडणार आहे.
Web Summary : Pimpri Chinchwad Municipal Corporation will hold elections for Mayor and Deputy Mayor on February 6th. Application process starts February 2nd. The mayor post is open to the general category, with 50% women representation assured in committees.
Web Summary : पिंपरी चिंचवड महानगरपालिका में महापौर और उपमहापौर का चुनाव 6 फरवरी को होगा। आवेदन प्रक्रिया 2 फरवरी से शुरू होगी। महापौर पद सामान्य वर्ग के लिए खुला है, समितियों में 50% महिला प्रतिनिधित्व सुनिश्चित किया गया है।