पिंपरी : पिंपरी - चिंचवड महापालिकेच्या निवडणुकीत २०२६ मध्ये अनेक प्रभागांत अत्यंत चुरशीच्या व अटीतटीच्या लढती पाहायला मिळाल्या. या निवडणुकीत पराभव पत्करावा लागला असला तरी राष्ट्रवादी (अजित पवार)च्या तब्बल ७६ उमेदवारांना दुसऱ्या क्रमांकाची मते मिळाल्याचे निकालावरून स्पष्ट झाले. याशिवाय भाजपचे ३३, राष्ट्रवादी (शरद पवार)चे ५, अपक्ष ३, शिंदेसेनेचे २ आणि काँग्रेसच्या एका उमेदवाराला दुसऱ्या क्रमांकाची मते मिळाली आहेत.
या निवडणुकीतील लढती किती अटीतटीच्या होत्या, याचे चित्र या मतसंख्येतून दिसून येते. राष्ट्रवादीच्या दोन उमेदवारांना २० हजारांहून अधिक मते मिळाली आहेत. यामध्ये प्रभाग क्रमांक २ ब मधील अश्विनी जाधव यांना २० हजार ५२६, तर प्रभाग २ ड मधील वसंत बोराटे यांना २१ हजार ४९३ मते मिळाली. मात्र, तरीही दोघांनाही पराभव स्वीकारावा लागला.
याशिवाय १५ ते २० हजारांपर्यंत मते मिळविणारे पाच उमेदवार आहेत. त्यात राष्ट्रवादीच्या प्रभाग १ ब मधील साधना काशीद, प्रभाग २ अ मधील रुपाली आल्हाट, प्रभाग २ क मधील विशाल आहेर, तसेच भाजपचे प्रभाग १ अ मधील सुरेश म्हेत्रे आणि प्रभाग १ क मधील शीतल यादव यांचा समावेश आहे.
१० ते १५ हजार मते मिळवणारे ५७ उमेदवार
१० ते १५ हजार मते मिळविणाऱ्या उमेदवारांची संख्या ५७ इतकी असून, त्यात राष्ट्रवादीचे ३१, भाजपचे १९, राष्ट्रवादी (शरद पवार)चे २, अपक्ष १ आणि शिंदेसेनेचा एक उमेदवार आहे. तसेच १० हजारांच्या आतील मते मिळविणाऱ्या उमेदवारांची संख्या ६० असून, यामध्ये सर्वाधिक ३७ उमेदवार राष्ट्रवादी काँग्रेसचे आहेत. भाजपचे १४, राष्ट्रवादीचे (शरद पवार) ३, मनसे व अपक्ष प्रत्येकी दोन, तर शिंदेसेना आणि काँग्रेसचा प्रत्येकी एक उमेदवार यामध्ये समाविष्ट आहे.
Web Summary : In the PCMC 2026 elections, BJP won, but NCP (Ajit Pawar) secured second place with 76 candidates. NCP (Sharad Pawar) had 5, Shinde Sena 2, and independents 3 in second position. Close contests were evident, with some NCP candidates exceeding 20,000 votes despite losing.
Web Summary : PCMC 2026 के चुनावों में, बीजेपी जीती, लेकिन राष्ट्रवादी कांग्रेस (अजित पवार) ने 76 उम्मीदवारों के साथ दूसरा स्थान हासिल किया। राष्ट्रवादी कांग्रेस (शरद पवार) के 5, शिंदे सेना के 2 और निर्दलीय 3 दूसरे स्थान पर रहे। करीबी मुकाबले स्पष्ट थे, कुछ राष्ट्रवादी कांग्रेस के उम्मीदवार हारने के बावजूद 20,000 से अधिक वोट प्राप्त करने में सफल रहे।