पुणे : सायकल खेळत असलेल्या ६ वर्षीय मुलीच्या तोंडावर लघुशंका करून तिचा विनयभंग केल्याचा धक्कादायक प्रवास उघडकीस आला आहे. हा प्रकार सिंहगड रस्ता परिसरातील नऱ्हे परिसरात घडला. याप्रकरणी सिंहगड रोड पोलिसांनी एका नेपाळी तरुणाला अटक केली आहे. हा प्रकार रविवारी दुपारी सव्वातीन ते सादेतीनच्या सुमारास पीडित मुलगी राहत असलेल्या अपार्टमेंटच्या पार्किंगमध्ये घडला. शिवा भगवती चौधरी (१८, मूळ रा. भजनी, जि. कैलाली, नेपाळ) असे अटक करण्यात आलेल्या आरोपीचे नाव आहे. याप्रकरणी पीडितेच्या आईने सिंहगड पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, फिर्यादी महिलेची ६ वर्षांची मुलगी सोसायटीच्या आवारात सायकल खेळत होती. चौधरीने बालिकेशी अश्लील कृत्य केले. त्यानंतर बालिका घरी आली. तिने या घटनेची माहिती आईला दिली. पीडितेच्या आईने पार्किंगमध्ये जाऊन पाहिले असता आरोपी चौधरी हा बाथरूममधून बाहेर आला. त्यावेळी मुलीने त्याला ओळखले. चौकशीत चौधरीने बालिकेशी अश्लील कृत्य केल्याचे उघडकीस आल्यानंतर पोलिसांकडे तक्रार देण्यात आली. चौधरीला अटक करण्यात आली असून, पुढील तपास पोलिस उपनिरीक्षक सणस करत आहेत.