Accident: झाडाला दुचाकी धडकून वेल्हे तालुक्यात एकाचा मृत्यू; दुसरा जखमी

दोघेही पेंटर असून भाघिनगर येथे रंगकाम करण्यासाठी पुण्याहून निघाले होते

वेल्हे: वेल्हे तालुक्यातील करंजवणी येथे दुचाकी स्वार झाडाला धडकून एकाचा मृत्यू झाल्याची माहिती वेल्हे पोलिसांनी दिली आहे. याबाबत अधिक माहिती अशी कि, दिनांक १ एप्रिल दुपारी तीन वाजून 30 मिनिटांनी करंजावणे येथील हॉटेल तोरणा च्या पुढच्या कॉर्नरला एक दुचाकी धडकली. यामध्ये किशोर व्यंकट गोरे (वय 40 ) (रा सावरकर चौक धनकवडी) पुणे याचा मृत्यू झाला आहे. तर त्याच्यासोबत असलेला साहिल रजनीकांत ओनावळे ( वय 27) हा किरकोळ जखमी झाला आहे. हे दोघेही पेंटर असून भाघिनगर येथे रंगकाम करण्यासाठी पल्सर गाडीने पुण्याहून भाघिनगरच्या दिशेने निघाले होते.