पुणे : हडपसर परिसरातील केरला हॉटेल नावाच्या कॅन्टीन मध्ये काम करणाऱ्या २१ वर्षीय तरुणीवर एका कर्मचाऱ्याने एकटेपणाचा फायदा घेत जबरदस्तीने बलात्कार केल्याचा प्रकार घडला आहे. तसेच कॅन्टीन मधील आणखी दुसऱ्या कर्मचाऱ्याने संबंधित तरुणीकडे शरीर सुखाची मागणी केल्याचा धक्कादायक प्रकार देखील उघडकीस आला आहे. याप्रकरणी पीडित मुलीने हडपसर पोलिस ठाण्यात तक्रार दाखल केल्यानंतर दोघांवर गुन्हा दाखल करण्यात आला आहे.
शहजाद अन्सारी (३०, रा. झारखंड) आणि मोहम्मद सलीम शेख (४३) अशी गुन्हा दाखल झालेल्या आरोपींची नावे आहेत. पोलिसांनी दिलेल्या माहितीनुसार, पीडित तरुणी ही हॉटेल केरला या ठिकाणी कॅन्टीन मध्ये पोळ्या बनवण्याचे काम करते. याच कॅन्टीन मधील कर्मचारी शहजाद अन्सरी याने हॉटेलमध्ये कोणी नसतना तरुणीच्या एकटेपणाचा फायदा घेऊन, तिची इच्छा नसताना शारीरिक संबंध ठेवले. तर हॉटेलमध्ये काम करत असलेला दुसरा कर्मचारी मोहम्मद शेख याने संबंधित तरुणीला,‘मुझे भी चाहिये, मुझे भी करना है’ असे बोलून तिच्याकडे शरीर सुखाची मागणी केली. याप्रकरणाचा पुढील तपास सहायक पोलिस निरीक्षक जगताप करत आहेत.