वडमुखवाडीत दोघांवर गोळीबार

रस्त्याकडेला मोटार उभी करून थांबलेल्या दोन तरुणांवर गोळीबार करण्यात आला. यामध्ये एक तरुण जखमी झाला आहे.

पिंपरी : रस्त्याकडेला मोटार उभी करून थांबलेल्या दोन तरुणांवर गोळीबार करण्यात आला. यामध्ये एक तरुण जखमी झाला आहे. जीव वाचविण्यासाठी पळून जाण्याचा प्रयत्न करणार्‍या तरुणाच्या मोटारीवर कोयत्याने हल्ला करण्यात आला. वडमुखवाडी येथील अलकापुरी सोसायटीजवळ मोशी खाण परिसरात रविवारी सायंकाळी हा प्रकार घडला. जयेश बाळासाहेब काजळे (वय २६, रा. काळजेवाडी, चºहोली) हे जखमी तरुणाचे नाव आहे. हल्लेखोरांत माजी नगरसेवकासह दोघे जण असल्याचा संशय आहे. जयेश व त्याचा मित्र अमित जीवन पठारे (वय २४, रा. पठारेवस्ती, चºहोली) हे दोघेजण मोटारीने जात होते. मोशी खाणीजवळ मोटार उभी केली. अमित मोटारीत बसला होता, तर जयेश बाहेर थांबला होता. त्याच वेळी दुचाकीवरून आलेल्या तिघांनी जयेश यांच्याशी वाद घातला. घाबरून जयेश पळून जाण्यासाठी मोटारीत जाऊन बसला. त्याच वेळी हल्लेखोरांनी समोरून दोन गोळ्या झाडल्या. तिसरी गोळी जमिनीवर झाडली. दोघे पळून जाण्याचा प्रयत्न करीत असताना मोटारीच्या काचेवर कोयत्याने वार केला. गोळीबारात एक गोळी जयेशच्या कानाला चाटून गेल्याने तो जखमी झाला. (प्रतिनिधी)