पुणे : फिर्यादी व प्रत्यक्षदर्शी साक्षीदार यांच्या साक्षीमध्ये आरोपीने १५ वर्षांच्या मुलीचा गळा चिरून खून केला. ती मेली आहे, हे माहिती असून सुद्धा काही वेळाने पुन्हा तिच्यावरती चाकूने व कोयत्याने २२ वार केले. त्यामुळे अशा क्रूर व्यक्तीला कोणतीही दयामाया देण्यात येऊ नये. आरोपीला फाशीची शिक्षा दिल्यास संपूर्ण समाजासमोर एक वेगळा आदर्श घातला जाईल. त्यामुळे आरोपीला फाशी द्यावी, अशी मागणी विशेष सरकारी वकिलांनी न्यायालयाला केली आहे.
पुण्यातील बिबबेवाडी येथील यश लॉन्स येथे १२ ऑक्टोबर २०२१ रोजी १५ वर्षांची राष्ट्रीय कबड्डी खेळाडू असलेल्या अल्पवयीन मुलीचा एकतर्फी प्रेमातून आरोपी शुभम ऊर्फ ऋषिकेश भागवत याने निर्घृण खून केला होता. या प्रकरणी पुण्यातील जिल्हा न्यायालयात विशेष सरकारी वकील हेमंत झंजाड यांनी शुक्रवारी जिल्हा व सत्र न्यायाधीश एस. आर. साळुंखे यांच्या न्यायालयात अंतिम युक्तिवाद केला. अंतिम युक्तिवादामध्ये इतर सर्व साक्षीदारांची साक्ष व उच्च न्यायालय व सर्वोच्च न्यायालय यांच्या निकालाचे न्यायनिवाडे सरकारी पक्षाच्यावतीने न्यायालयात सादर करण्यात आले. संपूर्ण राज्याचे लक्ष लागून राहिलेल्या या खटल्याचा निकाल काय लागेल? आरोपीला काय शिक्षा होईल, कुटुंबाला न्याय मिळेल का? याकडे सर्वांचे लक्ष लागले आहे.
Web Summary : Prosecutors demand the death penalty for the accused in the Pune kabaddi player murder, citing the gruesome nature of the crime and the need for societal deterrence. The victim, a 15-year-old national-level player, was brutally murdered in 2021. The court is reviewing evidence and witness testimonies.
Web Summary : पुणे कबड्डी खिलाड़ी हत्याकांड में अभियोजन पक्ष ने आरोपी के लिए मौत की सजा की मांग की, अपराध की भयावह प्रकृति और सामाजिक निवारण की आवश्यकता का हवाला दिया। पीड़िता, एक 15 वर्षीय राष्ट्रीय स्तर की खिलाड़ी, की 2021 में बेरहमी से हत्या कर दी गई थी। अदालत सबूतों और गवाहों के बयानों की समीक्षा कर रही है।