चाकण : आक्षेपार्ह वक्तव्य करणारे काँग्रेसचे प्रदेशाध्यक्ष नाना पटोले यांच्या विरोधात गुन्हा दाखल करून त्यांना तातडीने अटक करण्याची मागणी भाजपच्या कार्यकर्त्यांनी केली आहे. या बाबत चाकणपोलिसांना भाजपच्या वतीने निवेदन देण्यात आले.
याप्रसंगी जिल्हा उपाध्यक्ष राजन परदेशी,व्यापारी आघाडी जिल्हा उपाध्यक्ष मनोज मांजरे,अध्यात्मिक आघाडी जिल्हा समन्वयक गुलाब खांडेभराड,तालुका उपाध्यक्ष अनिल सोनवणे,युवा मोर्चा जिल्हा सरचिटणीस संदेश जाधव,जिल्हा सचिव श्याम पुसदकर,चाकण शहराध्यक्ष अजय जगनाडे, पंढरीनाथ सुतार, दिपक मराठे,जितेंद्र सोनवणे, प्रल्हाद परदेशी,गणेश उंबरे,संतोष भोज, जयदेवसिंग दुधानी,मोतीलाल बाविस्कर,ज्ञानेश्वर बडे,संतोष हजारे आदी कार्यकर्ते उपस्थित होते.
चाकण येथे कॉंग्रेसचे प्रदेशाध्यक्ष नाना पटोले यांचा जाहीर निषेध करून,भाजपच्या कार्यकर्त्यांनी त्यांच्या विरोधात जोरदार घोषणाबाजी करण्यात आली. डॉ.बाबासाहेब आंबेडकरांनी जे आदर्श संविधान आपल्या देशाला दिले त्या संविधानानुसार सर्वोच्च पदावर असणाऱ्या व्यक्तीला अशी भाषा वापरणे आणि खुलेआम मारण्याची धमकी देणे हा राजद्रोह आहे. त्यानुसार त्यांच्यावर गुन्हा दाखल करून,तात्काळ त्यांना अटक करण्यात यावी अशी आग्रही मागणी उपस्थित भाजपच्या पदाधिकाऱ्यांनी चाकण पोलिसात दिलेल्या निवेदनात केली.