सोमेश्वरनगर - बारामती तालुक्यातील सोरटेवाडी गावाच्या हद्दीत रात्री एका २७ वर्षीय तरुणाचा धारदार शास्त्राने वार करत खून केल्याची घटना घडली आहे. रोहित गाडेकर वय २७ रा. मासाळवस्ती-सोरटेवाडी ता. बारामती असे खून झालेल्या तरुणाचे नाव आहे.ही घटना काल दि. ५ रोजी रात्री ११ वाजण्याच्या सुमारास घडली. वडगाव निंबाळकर पोलीस ठाण्याचे सपोनि सचिन काळे यांनी दिलेल्या माहितीनुसार, रोहित गाडेकर व सोरटेवाडी येथील माने (पूर्ण नाव समजू शकले नाही) यांच्यात पैशांच्या देवाणघेवाण वरून वाद होता.
यातूनच काल रात्री सोरटेवाडी (कुलकर्णी चारी) येथे आरोपींची रोहित गाडेकर यांच्या छातीवर व मानेवर धारदार शास्त्राने वार केले.यामध्ये त्याचा मृत्यू झाला आहे. पुढील तपास करंजेपुल पोलिस चौकीचे उसपोनि राहुल साबळे करत आहेत.