वरवंड (ता. दौंड) : दौंड तालुक्यातील वरवंड, कुसेगाव व पडवी परिसरात रविवारी मध्यरात्री चोरट्यांनी धुमाकूळ घातला. घरफोडी, दुचाकी चोरीचे प्रयत्न आणि सर्वात गंभीर म्हणजे वरवंड येथील एटीएम मशीनच उचलून नेल्याने परिसरात भीतीचे वातावरण निर्माण झाले आहे. मिळालेल्या माहितीनुसार वरवंड येथील एका घराच्या सेफ्टी डोअरची तोडफोड करून आत घुसण्याचा प्रयत्न करण्यात आला.
दरवाजाचे लॉक व लोखंडी जाळी तोडण्याचा प्रयत्न झाल्याचे दिसून आले. घरातील सदस्यांना आवाज आल्याने त्यांनी तत्काळ आरडाओरडा केल्याने चोरटे पसार झाले. या दरम्यानचा व्हिडिओ सोशल मीडियावर चर्चेत आहे. या व्हिडिओत परिसरातील दोन दुचाकींचे लॉक तोडण्याचा प्रयत्नही या चोरटयांनी केल्याचे दिसते. नागरिकांच्या सतर्कतेमुळे आणि ग्राम सुरक्षा दलाला माहिती देण्यात आल्याने चोरट्यांचा डाव फसला. दरम्यान, एटीएम मशीनच चोरट्यांनी वाहनातून उचलून नेल्याची माहिती समोर येत आहे.
Web Summary : Thieves terrorized Daund, attempting burglaries and stealing an ATM in Varvand. Residents' alertness foiled some attempts. Police are investigating, reviewing CCTV footage, and searching for suspects. Locals demand increased night patrols.
Web Summary : दौंड में चोरों ने आतंक मचाया, घरों में चोरी का प्रयास किया और वरवंड में एक एटीएम ही चुरा लिया। निवासियों की सतर्कता से कुछ प्रयास विफल हुए। पुलिस जांच कर रही है, सीसीटीवी फुटेज देख रही है और संदिग्धों की तलाश कर रही है। स्थानीय लोगों ने रात्रि गश्त बढ़ाने की मांग की है।