फी न भरल्याने मुले वर्गाबाहेर, आरएमडी सिंहगड शाळेतील प्रकार

वारजे - येथील आरएमडी सिंहगड शाळेने नवीन शैक्षणिक वर्षाच्या सुरुवातीलाच मुलांच्या मागे शैक्षणिक फी भरण्यासाठी तगादा लावला आहे. यापैकी मंगळवारी शाळेने प्रत्येक इयत्तेचे सुमारे १०० ते १२५ विद्यार्थ्यांना वर्गाबाहेर काढत खालच्या मजल्यावर एका वर्गात सुमारे दोन तास ठेवले. यातील काही विद्यार्थ्यांना बाथरूमला जाण्यासही मनाई करण्यात आली होती.वास्तविक शाळेचे शैक्षणिक वर्ष आताच सुरू झाले आहे. शाळेने सर्व विद्यार्थ्यांना १५ जूनपर्यंत वर्षभराची फी एकरकमी (सुमारे ३६,००० ते ४०,००० रुपये) आगाऊ भरण्याची नोटीस दिली आहे. ही नोटीस कालावधी पूर्ण होण्याच्या आधीच शाळेने बेकायदेशीरपणे विद्यार्थ्यांवर कारवाईचा बडगा उभारला आहे. शिक्षण हक्क कायद्यानुसार फीसाठी मुलांना जबाबदार धरता येत नाही, शिवाय फीबाबत पालकांशी संपर्क साधने गरजेचे असताना नाहक लहान वयाच्या विद्यार्थ्यांना त्रास दिला जात आहे. शिवाय संस्थेच्या इतर कॅम्पस वडगाव व कोंढवा येथील विद्यार्थ्यांच्या पालकांनाही तत्काळ फी भरा, नाहीतर विद्यार्थ्यांना शाळेत पाठवू नका, असे मोबाइलवर फोन करून सांगण्यात आले आहे, असा आरोप जागरूक पालक संघटनेच्या जयश्री देशपांडे यांनी केला आहेफी वाढीसंदर्भात गेल्या वर्षीही शाळा प्रबंधन व पालक संघटना यांच्यातील वाद शिक्षण उपसंचालक कार्यालयपर्यंत गेला होता. त्यावेळी तेथे सुनावणी होऊन शाळेने पालकांना फीचे टप्पे करण्यासादर्भात निर्देश दिले गेले होते. पण शाळेच्या वतीने या आदेशाला केराची टोपली दाखवली गेली आहे. त्यातच बसप्रवास शुल्क देखील नियमबाह्य पद्धतीने १५ टक्क्यांपेक्षा जास्त वाढवले गेले आहे. मंगळवारच्या प्रकाराबद्दल दाद मागण्यासाठी पालक संघ सदस्यांनी एकत्र येथे सहायक शिक्षण संचालक मीनाक्षी राऊत यांना तक्रार देऊन दाद मागितली आहे. राऊत यांनीही फीची सक्ती न करता टप्पे करण्यासंदर्भात शाळेला निर्देश देण्याचे संकेत दिले आहेत.माझा मुलगा दुसरीत शिकत असून बुधवारी लाँग ब्रेकनंतर वर्गातील फी न भरलेल्या निवडक चार-पाच मुलांना बाहेर काढून खालच्या मजल्यावर जमिनीवर बसवण्यात आले. मुलाला लघवीलाही जाऊ दिले नाही. त्यामुळे मूल भेदरलेले होते. गुरुवारी त्याने शाळेला जाण्यासही नकार दिला होता. याबबात शिक्षण अधिकाऱ्यांनी त्वरित लक्ष देणे गरजेचे आहे.- सुमन गोसावी, पालकशाळेने फी साठी मुलांना त्रास देणे तत्काळ थांबवावे. अन्यथा संस्थेमार्फत विरोधात असहकार आंदोलन पालक संघटनेमार्फत करण्यात येईल. - निंबा बोरसे, पालकशाळेच्या या मनमानी कारभाराबद्दल प्रतिष्ठांच्या वतीने आंदोलन करण्यात येईल. आमच्या तेजोवलाय सोसायटीतील बरीच मुले वारजे कॅम्पस शिक्षण घेत आहेत. त्यांनाही शाळेच्या या जाचाचा फटका बसला आहे. शाळा एका बाजूला विद्यार्थ्यांकडे फीची मागणी करत आहे, दुसºया बाजूला शिक्षकेतर कर्मचा-यांचे व शिक्षकांचे मागील अनेक महिण्याचे पगार थकवले आहेत. गेल्या वर्षी नियमित फी भरणाºयांचे पैसे कुठे गेले? हा यक्षप्रश्न आहे.- निवृत्ती येनपुरे, अध्यक्ष,वारजे हायवे परिसर विकास प्रतिष्ठानमी बुधवारी दिवसभर परदेशातून परतीच्या प्रवासात होते. त्यामुळे कॅम्पसमध्ये काय घडले याची माहिती नाही. आज माहिती घेऊ. पण काही विद्यार्थ्यांनी गेल्या वषीर्चीही फी भरली नाही. त्यांच्याबाबत नरमाईचे धोरण ठेवून कसे चालेल ? मुलांना वर्गाबाहेर काढलेले नाही फक्त त्यांना फी भरण्याची सूचना करण्यात आली आहे.- स्मिता सावंत, मुख्याध्यापक सिंहगड, वारजे कॅम्पस