पुणे : राज्य परिवहन विभागाने ‘उच्च सुरक्षा नोंदणी क्रमांक पाटी’ (एचएसआरपी) २०१९ च्या पूर्वीच्या वाहनांना बसविण्यासाठी पुन्हा एक महिन्याची मुदतवाढ दिली आहे. आता वाहनचालकांना ३१ डिसेंबर २०२५ पर्यंत नंबरप्लेट बसविणे बंधनकारक असून, या मुदतवाढीमुळे नागरिकांना दिलासा मिळाला आहे. आता ही मुदतवाढ अंतिम असून, एचएसआरपी नंबरप्लेट (HSRP Number Plate) नसलेल्या वाहनांवर वायुवेग पथकाकडून कारवाई करण्यात येणार असल्याचे राज्याच्या परिवहन आयुक्तांकडून सांगण्यात आले.
राज्यात २०१९ च्या पूर्वीच्या सर्व वाहनांना एचएसआरपी बसविणे सर्वोच्च न्यायालयाच्या आदेशानंतर बंधनकारक आहे. त्यामुळे पुण्यात २५ लाखांपेक्षा जास्त वाहनांना ही नंबरप्लेट बसवावी लागणार आहे. मात्र, आतापर्यंत केवळ साडेसात लाख वाहनांना ही नंबरप्लेट बसविण्यात आली आहे. नंबरप्लेट बसविण्याचे काम एका कंपनीला देण्यात आले असून, वाहनसंख्या आणि त्या तुलनेत एचएसआरपी नंबर प्लेटची नोंदणी करून ती बसविण्यासाठी लागणारा कालावधी अधिक जात आहे. त्यामुळे एचएसआरपी नंबर प्लेट बसविण्याला मुदतवाढ मिळावी याबाबत सर्व स्तरांतून मागणी होत होती. त्यानुसार एक महिन्याची मुदतवाढ दिल्याची माहिती परिवहन आयुक्तांकडून देण्यात आली.
Web Summary : Citizens get reprieve! HSRP deadline extended to December 31st. 2.5 million Pune vehicles need plates, but slow installation prompted extension. This is the final extension; enforcement will follow.
Web Summary : नागरिकों को राहत! HSRP की समय सीमा 31 दिसंबर तक बढ़ाई गई। पुणे में 25 लाख वाहनों को प्लेट चाहिए, लेकिन धीमी गति से स्थापना के कारण विस्तार हुआ। यह अंतिम विस्तार है; प्रवर्तन का पालन होगा।