बारामती: विमानतळावर वाहनांच्या ताफ्यासह थांबलेल्या अजित पवार यांच्या दोन अंगरक्षकांशी अपघातापूर्वी काही क्षण आधीच अजित पवार यांचा शेवटचा फोनवरून संवाद झाला होता. “विमान आता लँडिंग होणार आहे, तुम्ही आलात का?” असा सवाल अजित पवार यांनी अंगरक्षकांना केला होता.
महेश बोबडे, इम्तियाज मोमीन हे दोघे अंगरक्षक विमानतळ परिसरात उपस्थित होते. काही क्षणांतच त्यांच्या डोळ्यांसमोर विमान खाली कोसळले. सुरुवातीला हे एखादे शिकाऊ विमान असावे, असा त्यांचा समज झाला. मात्र, GPS तपासल्यानंतर कोसळलेले विमान हेच अजित पवार यांचे असल्याचे स्पष्ट झाले आणि त्या क्षणी अंगरक्षकांना मोठा मानसिक धक्का बसला. वाहनांसह घटनास्थळी उपस्थित असलेल्या अंगरक्षकांनी तातडीने मदतकार्य करण्याचा प्रयत्न केला. मात्र अपघाताची तीव्रता इतकी भीषण होती की सर्वांनाच हादरवून टाकणारा हा प्रसंग ठरला.
जिल्हा परिषद आणि पंचायत समिती निवडणुकीसाठी अजित पवार यांच्या बारामतीमध्ये सभा होणार होत्या. त्या सभांसाठी अजित पवार हे आज सकाळी मुंबईहून बारामती येथे निघाले होते. दरम्यान, त्यांचं विमान बारामती विमानतळावर उतरत असताना विमानाला अपघात होऊन ते जवळच्या शेतात कोसळलं. अजित पवार यांच्यासह एकूण ४ जणांचा मृत्यू झाला. हा अपघात इतका भयावह होता कि, विमानाचा अक्षरशः चक्काचूर झाला आहे.
Web Summary : Ajit Pawar died in a plane crash near Baramati airport. His last call was to his bodyguards, inquiring about their arrival. The plane crashed before their eyes, killing all four on board. He was en route to rallies for upcoming elections.
Web Summary : बारामती हवाई अड्डे के पास एक विमान दुर्घटना में अजित पवार का निधन हो गया। उनकी आखिरी कॉल उनके अंगरक्षकों को थी, जिसमें उनके आगमन के बारे में पूछा गया था। विमान उनकी आंखों के सामने दुर्घटनाग्रस्त हो गया, जिसमें सवार सभी चार लोगों की मौत हो गई। वह आगामी चुनावों के लिए रैलियों के लिए जा रहे थे।