पुणे/किरण शिंदे : अवघ्या तीन वर्षाच्या चिमुरडीवर घराशेजारीच राहणाऱ्या एका 45 वर्षीय व्यक्तीने लैंगिक अत्याचार केल्याचा प्रकार उघडकीस आला आहे. हडपसर पोलीस ठाण्यात या प्रकरणी गुन्हा दाखल करण्यात आला असून आरोपीला अटक करण्यात आली. प्रशांत पडवळ (वय 45, रा. वैष्णो सिटी, फेज 2, उरुळी देवाची) असे अटक करण्यात आलेल्या आरोपीचे नाव आहे. पीडित मुलीच्या तीस वर्षीय आईने या प्रकरणी तक्रार दिली आहे. 6 डिसेंबर रोजी हा प्रकार घडला.
याप्रकरणी अधिक माहिती अशी की, पीडित मुलीची आई काही दिवसांपूर्वीच आरोपी प्रशांत पडवळ त्याच्या घराशेजारी राहण्यासाठी आली होती. त्यांना तीन वर्षाची एक मुलगी आहे. दरम्यान दोघेही कामाला जात असल्याने मुलीला कुठे ठेवायचे हा प्रश्न त्यांच्यासमोर होता. यावेळी त्यांनी घरासमोरच राहणाऱ्या पडवळ कुटुंबाकडे या तीन वर्षीय मुलीला ठेवले होते.
सकाळी साडेदहा ते सायंकाळी सहा या वेळात ही मुलगी पडवळ कुटुंबाकडेच होती. यादरम्यान आरोपीने या चिमुरडीसोबत लैंगिक अत्याचार केले. संध्याकाळी जेव्हा फिर्यादी घरी आल्या आणि त्यांनी मुलीला घेतले तेव्हा तिच्या गुप्तांगाला जखम असल्याचे त्यांच्या निदर्शनास आले. त्यानंतर हा सर्व प्रकार उघडकीस आला. हडपसरपोलिसांनी या प्रकरणी गुन्हा दाखल करून आरोपीला अटकही केली आहे. अधिक तपास पोलीस उपनिरीक्षक डमरे करीत आहेत.