मुंबई - राम मंदिराच्या वर्गणीच्या मुद्द्यावरून शिवसेनेने (Shiv Sena) केलेल्या टीकेनंतर काल सेनाभवनासमोर भाजपा (BJP)आणि शिवसेनेच्या कार्यकर्त्यांमध्ये जोरदार राडा झाला होता. त्यानंतर दोन्ही पक्षांकडून परस्परविरोधी दावे केले जात आहेत. दरम्यान, शिवसेनेनेचे कट्टर वैरी असलेल्या नारायण राणेंचे पुत्र नितेश राणे यांनी शिवसेनेला पुन्हा डिवचले आहे. सेनाभवनासमोरील राड्यानंतर नितेश राणे यांनी ट्विट करत शिवसेनेला टीकेचे लक्ष्य केले आहे. ("Tell Shiv Sainiks, your Uddhav Thackeray has rubbed his nose in front of our Modi," Nitesh Rane told to Shiv Sena )
या ट्विटमध्ये नितेश राणे म्हणाले की, सेनाभवनासमोर भिडणाऱ्या शिवसैनिकांना जाऊन सांगा की, तुमचा उद्धव आमच्या मोदी साहेबांसमोर नाक घासून आला आहे. मग तुम्ही कोणाच्या जोरावर छाती फुगवत आहात. भाजपाच्या मुंबईतील कार्यकर्त्यांना मानले, अशा शब्दात नितेश राणे यांनी सेनाभवनसमोर शिवसैनिकांशी भिडणाऱ्या भाजपाच्या कार्यकर्त्यांचेही नितेश राणे यांनी कौतुक केले आहे.