हिंजवडीत वेश्या व्यवसाय करण्यास भाग पाडणाऱ्या दोघांना अटक

हिंजवडी येथे महिलांना पैशांचे अमिष दाखवून वेश्या व्यवसाय करण्यास भाग पाडले जात असल्याचा प्रकार उघकीस आला

पिंपरी : हिंजवडी येथे महिलांना पैशांचे अमिष दाखवून वेश्या व्यवसाय करण्यास भाग पाडले जात असल्याचा प्रकार उघकीस आला आहे. आनंदनगर, लक्ष्मी चौकाजवळ हिंजवडी येथील हॉटेल आर. के. एक्सक्लुजीव, लॉज येथे बुधवारी ( दि. १८ ) दुपारी साडे तीन वाजताच्या दरम्यान हा प्रकार उघडकीस आला आहे. एका ४३ वर्षीय महिलेने या प्रकरणी गुरूवारी ( दि. १९ ) हिंजवडी पोलीस ठाण्यात फिर्याद दिली आहे. 

त्यानुसार गुन्हा दाखल करण्यात करण्यात आला असून, दोघांना अटक करण्यात आली आहे. शुभम राजेंद्र ढेरे ( वय २८ ) रा. हिजवडी, मूळ पत्ता, काळे वस्ती, नेकपुर ता. जिल्हा बीड, योगेंद्र बाळु कुंभार ( वय २७ ) मॅनेजर हॉटेल आर. के. एक्सक्लुजीव, लॉज, हिंजवडी, यांना अटक करण्यात आली आहे. तर सुनिल मदार, राहुल, जिजु, महिला आरोपी, संजित अमरनाथ सिंग ( ३८ ) रा. गुरूव्दारा चौक, आकुर्डी, महिला आरोपी रा. नेरे लक्ष्मी कॉम्पलेक्स, हिंजवडी यांच्यावर गुन्हा दाखल करण्यात आला आहे.

पोलीसांनी दिलेल्या माहितीनुार, हिंजवडी येथील हॉटेल आर. के. एक्सक्लुजीव, लॉज येथे आरोपींनी महिलांना पैशांचे अमिष दाखऊन त्यांना वैश्या व्यवसायासाठी प्रवृत्त केले. महिलांना लॉजमध्ये अडकवून ठेऊन त्यांच्याकडून वेश्याव्यवसाय करून घेऊन त्यातून मिळालेल्या पैशातून स्वत:ची उपजिविका भागवित असल्याचे कारवाईत दिसून आले. त्यामुळे गुन्हा दाखल करण्यात आल्याचे फिर्यादीत म्हटले आहे.

Read in English