हिंजवडी : अंगणवाडीतील चिमुकल्यांना कोंडून ग्रामपंचायत कार्यालयात बैठकीला गेल्याप्रकरणी अखेर अंगणवाडी क्रमांक तीनच्या सेविका सविता शिंदे आणि मदतनीस शिल्पा साखरे यांना कामावर येण्यास प्रतिबंध करण्यात आला आहे. तेथे दुसऱ्या अंगणवाडीतील सेविका आणि मदतनीसाला अतिरिक्त काम पाहण्याच्या सूचना करण्यात आल्या. मुळशीच्या एकात्मिक बालविकास सेवा योजना अधिकाऱ्यांनी याबाबत प्राथमिक निर्णय घेतल्याचे समजते.
बुधवारी (दि. २६) हिंजवडीमधील अंगणवाडी क्रमांक तीनमध्ये मुलांना कोंडून अंगणवाडी सेविका आणि मदतनीस बैठकीला जाण्याचा धक्कादायक प्रकार घडला होता. शिक्षक नाहीत आणि अचानक दरवाजा बंद केल्याने, लहान मुलांनी घाबरून रडायला सुरुवात केली. हा प्रकार शेजारी उभ्या असणाऱ्या काही पालकांच्या लक्षात आला. कुलूप लावले असल्याने पालक सुद्धा हतबल झाले होते. त्यांनी तत्काळ सेविकेली संपर्क केला, मात्र प्रतिसाद न भेटल्याने एकात्मिक बालविकास सेवा योजनेच्या वरिष्ठ अधिकाऱ्यांना याची माहिती दिली होती. घडलेल्या प्रकाराबाबत पालकांनी तीव्र संताप व्यक्त करत योग्य ती कारवाई करण्याची मागणी केली होती.
याप्रकरणी अंगणवाडी क्रमांक तीनच्या सेविका सविता शिंदे आणि मदतनीस शिल्पा साखरे यांना कामावर येण्यास प्रतिबंध करण्यात आला आहे. तेथे दुसऱ्या अंगणवाडीतील सेविका आणि मदतनीसाला अतिरिक्त काम पाहण्याच्या सूचना करण्यात आल्या आहेत.
हिंजवडीतील अंगणवाडी क्रमांक तीनमध्ये घडलेल्या प्रकाराची गंभीर दखल घेतली आहे. पूर्ण चौकशी करून अहवाल मागितला आहे. अहवाल सादर झाल्यानंतर त्यांच्यावर लेखी स्वरूपात कारवाई करण्यात येईल. - धनराज गिराम, एकात्मिक बाल विकास सेवा योजना, अधिकारी मुळशी.
Web Summary : Hinjewadi anganwadi workers face action after locking children during a meeting. Parents protested, prompting an investigation. Authorities have barred the workers, assigning additional duties to others. A full inquiry is underway.
Web Summary : हिंजवडी आंगनवाड़ी में बच्चों को बंद करने पर कार्यकर्ताओं पर कार्रवाई। अभिभावकों ने विरोध किया, जिसके बाद जांच शुरू हुई। अधिकारियों ने कार्यकर्ताओं को प्रतिबंधित कर दिया, दूसरों को अतिरिक्त कार्यभार सौंपा गया है। पूरी जांच चल रही है।