पिंपरी : कौटुंबिक जमिनीच्या वाटपाच्या कारणावरून मनात राग धरून एकाने चुलत भावाचे घर पेट्रोलबॉम्बने पेटवून देऊन संपूर्ण कुटुंबाला जिवे मारण्याचा प्रयत्न केला. ही घटना रविवारी (दि. २९ मार्च) पहाटे तीनच्या सुमारास देहूगाव येथे घडली.
सुनील पंढरीनाथ काळोखे (वय ७४, रा. देहूगाव) यांनी या प्रकरणी देहू रोड पोलिस ठाण्यात फिर्याद दिली आहे. सुदाम किसन काळोखे (६२, रा. देहूगाव) याच्या विरोधात पोलिसांनी गुन्हा दाखल केला आहे.
पोलिसांनी दिलेल्या माहितीनुसार, फिर्यादी आणि संशयित यांच्यात वडिलोपार्जित जमिनीच्या वाटपावरून वाद होता. फिर्यादींचे संपूर्ण कुटुंब झोपलेले असताना संशयिताने घराच्या खिडकीच्या काचा फोडून आत पेट्रोलने भरलेल्या आणि सुतळी बॉम्ब चिकटविलेल्या बाटल्या फेकल्या. त्यानंतर लाकडी टेंभा पेटवून घर पेटवून दिले. यामध्ये फिर्यादी यांच्या घरातील सर्वांना जिवे मारण्याचा संशयिताने प्रयत्न केला असल्याचे फिर्यादीत नमूद आहे.
Web Summary : In Dehu, a land dispute led to a brother throwing petrol bombs at his sleeping relatives' house, attempting to kill them. Police have filed a case against the accused.
Web Summary : देहू में, ज़मीन विवाद के चलते एक भाई ने सोते हुए रिश्तेदारों के घर पर पेट्रोल बम फेंके और उन्हें मारने की कोशिश की। पुलिस ने आरोपी के खिलाफ मामला दर्ज कर लिया है।