murder of skating teacher in pimpri | मारुंजी येथील स्केटिंग शिक्षकाचा खून ; दारुवरुन झालेल्या भांडणातून खून झाल्याचा संशय
मारुंजी येथील स्केटिंग शिक्षकाचा खून ; दारुवरुन झालेल्या भांडणातून खून झाल्याचा संशय

पिंपरी : - मारूंजी येथील कोलते पाटील सोसायटी जवळील मोकळ्या मैदानात स्केटिंग शिक्षकाचा मृतदेह आढळून आला. ही घटना बुधवारी सकाळी उघडकीस आली.

निलेश नाईक असे खून झालेल्या शिक्षकाचे नाव आहे.पोलिसांनी दिलेल्या माहितीनुसार, मारुंजी येथे मोकळ्या मैदानात एका तरुणाचा मृतदेह असल्याची माहिती हिंजवडी पोलिसांना बुधवारी सकाळी मिळाली. त्यानुसार घटनास्थळी दाखल झालेल्या पोलिसांना एक तरुण रक्ताच्या थारोळ्यात पडलेला दिसून आला. मृतदेहाच्या जवळ बिअरच्या बाटल्या आढळून आल्या आहेत. यामुळे रात्री दारू पिल्यानंतर झालेल्या भांडणातून हा प्रकार घडला असावा, अशी शक्यता पोलिसांनी व्यक्त केली आहे. याबाबत पुढील तपास हिंजवडी पोलीस करीत आहे.

Web Title: murder of skating teacher in pimpri

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.