पिंपरी : एका महिलेचा खून करून तिला घट्ट बांधून पुरावा नष्ट करण्याच्या उद्देशाने पांढ-या नायलॉनच्या मोठ्या गोणीमध्ये भरून मृतदेह इंद्रायणी नदीत फेकून दिल्याचा धक्कादायक प्रकार समोर आला आहे. याप्रकरणी खुनाचा गुन्हा दाखल करण्यात आला आहे. आळंदी जवळ चिंबळी गावात ही घटना उघडकीस आला.
तानाजी बर्गे (वय २४, रा. बर्गे वस्ती, चिंबळी) यांनी याबाबत आळंदी पोलीस ठाण्यात फिर्याद दिली आहे. त्यानुसार अज्ञाताच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, पुणे - नाशिक महामार्गावर चिंबळी गावच्या हद्दीत स्मशानभूमीजवळ इंद्रायणी नदीच्या कडेला गुरुवारी सकाळी सव्वादहा वाजताच्या सुमारास एका महिलेचा मृतदेह आढळला. त्या महिलेचे हात पाय बांधलेले आहेत. अंदाजे २५ ते ३० वर्ष वयोगटातील महिला आहे. तिचा खून करून तिला घट्ट बांधून पुरावा नष्ट करण्याच्या उद्देशाने पांढ-या नायलॉनच्या मोठ्या गोणीमध्ये भरून मृतदेह इंद्रायणी नदीत फेकून दिला असल्याचे फिर्यादीत म्हटले आहे.