पिंपरी : अज्ञात वाहनाच्या धडकेने दुचाकीस्वार डिलिव्हरी बॉयचा मृत्यू झाला. तळेगाव दाभाडे येथील सेंट माउंट चर्चसमोर शनिवारी (दि. ४) रात्री आठच्या सुमारास ही घटना घडली.
विश्वनाथ बाबू जमादार (वय ३३), असे मृत्यू झालेल्याचे नाव आहे. याबाबत अशोक प्रेमनाथ घोसले (वय ३८, रा. राजगुरूनगर, ता. खेड) यांनी रविवारी (दि. ५) तळेगाव दाभाडे पोलीस ठाण्यात फिर्याद दिली. त्यानुसार अज्ञात वाहन चालकाच्या विरोधात पोलिसांनी गुन्हा दाखल केला.
पोलिसांनी दिलेल्या माहितीनुसार, घोसले यांचे भाऊजी विश्वनाथ हे झोमॅटो कंपनीत डिलिव्हरी बॉयचे काम करत होते. चाकण - वडगाव रस्त्याने डिलिव्हरी देण्यासाठी दुचाकीवरून जात होते. सेंट माउंट चर्चसमोर अज्ञात वाहनाने विश्वनाथ त्यांच्या दुचाकीला पाठीमागून जोरात धडक दिली. यामध्ये गंभीर जखमी झाल्याने विश्वनाथ यांचा मृत्यू झाला. अपघात झाल्यानंतर अज्ञात वाहन चालक घटनास्थळी न थांबता तसेच घटनेची माहिती न देता पळून गेला.