Aadhaar Card वरचा फोटो आवडला नाही, बदलायचाय?; हा आहे सर्वात सोपा पर्याय

1 / 15

अनेकदा आपण आधार कार्डावर फोटो चांगला आला नाही, अशा तक्रारी करत असतो. आता तो फोटो बदलण्याचा पर्यायही तुमच्या जवळ उपलब्ध आहे.

2 / 15

UIDAI यापूर्वी आधार क्रमांकावर नाव, पत्ता आणि मोबाईल क्रमांक बदलण्यासोबत फोटोग्राफही ऑनलाईन अपडेट करण्याची सुविधा हेत होतं.

3 / 15

परंतु सध्या केवळ घरबसल्या ऑनलाईन पद्धतीनं तुम्हाला केवळ आपला पत्ताच बदलता येणार आहे.

4 / 15

नाव, मोबाईल क्रमांक, जन्म तारीख, ईमेल अॅड्रेस, फोटो बदलण्यासाठी तुम्हाला ऑफलाईन प्रक्रियेचाच वापर करावा लागणार आहे.

5 / 15

जर तुम्हाला आधार कार्डावरील तुमचा फोटो बदलायचा असेल तर तुम्हाला तुमच्या नजीकच्या आधार केद्रात जाऊन त्यासाठी फॉर्म भरून द्यावा लागेल.

6 / 15

सर्वप्रथम तुम्हाला UIDAI च्या अधिकृत संकेतस्थळावर जावं लागेल.

7 / 15

त्यानंतर त्या ठिकाणी असलेल्या Get Aadhaar सेक्शनमधून आधार नामांकन/अपडेट फॉर्म डाऊनलोड करावा लागेल.

8 / 15

हा फॉर्म योग्यरित्या भरून तो आधार केंद्रात न्यावा लागेल. त्यानंतर आधार केंद्रात तुमच्या फिंगरप्रिन्ट्स, रॅटिना स्कॅन आणि फोटोग्राफ पुन्हा कॅप्चर केले जातील.

9 / 15

आधार कार्डावर माहिती अपडेट करण्यासाठी तुम्हाला ५० रूपये शुल्कही जमा करावं लागेल.

10 / 15

तसंच फोटो अपडेट करण्याचा अर्ज स्वीकारल्यानंतर तुम्हाला एक यूआरएन किंवा एक अपडेट क्रमांक मिळेल.

11 / 15

या क्रमांकाच्या माध्यमातून तुम्ही आपला अर्ज ऑनलाईन ट्रॅक करू शकता. यानंतर अपडेटेड फोटोसह तुम्हाला आधार कार्ड मिळण्यासाठी ९० दिवसांचा कालावधी लागेल.

12 / 15

जर तुम्हाला आधार कार्डाच्या सेवा केंद्रात जायचं नसेल तर UIDAI च्या क्षेत्रीय कार्यालयाला पत्र लिहूनही तुम्ही तुमचं आधार कार्ड अपडेट करू शकता.

13 / 15

यासाठी तुम्हाला UIDAI च्या पोर्टलवर जाऊन ‘Aadhaar Card Update Correction’ फॉर्म डाऊनलोड करावा लागेल. त्यात विचारलेल्या सर्व गोष्टीही भराव्या लागतील.

14 / 15

या नंतर UIDAI च्या कार्यालयाच्या नावे आधार कार्ड अपडेट करण्यासाठी एक पत्र लिहावं लागेल. त्यानंतर आपला सेल्फ अटेस्टेड फोटो सही करून अटॅच करा.

15 / 15

फॉर्म आणि पत्र दोन्ही UIDAI च्या कार्यालयात पोस्टाद्वारे पाठवा. दोन आठवड्यांमध्ये तुम्हाला तुमचं नवं आधारकार्ड प्राप्त होईल.