सिंधुदुर्गात कोसळधार; कणकवली, कुडाळ अन् वेंगुर्ल्यात पावसाचा हाहाकार

1 / 7

सिंधुदुर्गात मुसळधार पावसानं हाहाकार माजवला आहे. खारेपाटण, वैभववाडी, कणकवली, कुडाळ, वेंगुर्ला आणि सावंतवाडीला पुराच्या पाण्यानं वेढा घातला आहे.

2 / 7

कुडाळ तालुक्यातील शिवापूर, वसोली, आंजीवडे, उपवडे या आठ गावांचा संपर्क तुटला आहे. कोकणातल्या अनेक रस्त्यांवर पावसानं वाहतुकीची कोंडी झाली आहे.

3 / 7

तर बऱ्याच ठिकाण रस्त्यावर झाडं उन्मळून पडली आहेत. अनेक ठिकाणी विजतारा तुटल्या असून, गावागावात विजेचा लपंडाव सुरू आहे. तसेच मोबाईल टॉवर बंद झाल्यानं कम्युनिकेशन यंत्रणाही कोलमडली आहे.

4 / 7

गेले चार दिवस उसंत न घेता पाऊस धुवांधार बरसत आहे. त्यामुळे नद्या-नाले दुथडी भरून वाहत असल्यानं पूरस्थिती निर्माण झाली आहे.

5 / 7

रहदारीच्या वाहतुकीच्या मार्गांवर पाणी आल्यानं अनेक ठिकाणच्या बस फेऱ्या बंद कराव्या लागल्या आहेत.

6 / 7

आचरा मार्ग, कुंभवडे, असरोंडी, बिडवाडी, भरणी या गावांना जाणारे मार्ग पाण्यानं वेढले आहेत.

7 / 7

खारेपाटण बाजारपेठेत पावसाचं पाणी घुसले आहे. कणकवली शहरात काही सखल भागातही पाणी साचलं आहे. गडनदी, जानवली, सुखनदी, शिवगंगा नद्यांनी पूर रेषा ओलांडली आहे.