गुढीपाडवा : नववर्ष शोभायात्रेसाठी तरुणी-महिलांची खास तयारी, मराठमोळी परंपरा जपत नटूनथटून नववर्षाचे स्वागत

Gudi Padwa: Special preparations by women for welcoming the New Year with preserving the Marathi tradition : महाराष्ट्राच्या गावागावातून निघणाऱ्या नववर्ष शोभायात्रेच्या स्वागतासाठी महिला सज्ज. मराठमोळा अंदाज आणि मराठी बाणा.

महाराष्ट्रामध्ये गुढीपाडवा हा सण फार उत्साहामध्ये तसेच जल्लोषामध्ये साजरा केला जातो. या दिवशी महिलांच्या चेहर्‍यावरील तेज काही औरच असते.

पाडवा म्हणजे नटून थटून मराठमोळा साज परिधान करण्याचा हक्काचा दिवस. नाकात नथ, कपाळाला चंद्रकोर, कंबरेला पट्टा आणि हातामध्ये बांगड्या. सगळंच अगदी ऐटीत.

पुणे, मुंबई , नाशिक, ठाणे, डोंबिवली, गिरगाव इतरही अनेक शहरांमध्ये शोभायात्रांचे आयोजन केले जाते. या यात्रांमध्ये शहरातील लोक हजाराच्या संख्येने सहभागी होतात.

महिलांचा उत्साह या दिवशी दांडगा असतो. महिलांची मोटर रॅली पाहायला मिळते. बुलेटसारख्या गाड्या घेऊन महिला या रॅलीमध्ये सहभागी होतात.

शोभायात्रांची खरी शोभा म्हणजे ढोल ताशा पथक. या पथकांमध्येही महिला आवर्जून सहभागी होतात. ढोल वाजवतानाचा आनंद त्यांच्या चेहर्‍यावर दिसतो.

या दिवशी मिळणारा मोठा मान म्हणजे ध्वजधारी. हातामध्ये ध्वज घेऊन तो ढोल आणि ताशांच्या गजरात नाचवला जातो.

लहान मुलीही या शोभायात्रेत मोठ्या संख्येने सहभागी होतात. छान सुंदर कपडे घालतात. काही जणी साडी नेसतात. शोभायात्रेची शान वाढवतात.

शोभायात्रेतील पालखी बरोबर महिला भोई असतातच. मात्र हातात टाळ आणि झांज घेऊनही महिला या यात्रेमध्ये सहभागी होतात. टाळांच्या गजरात धुंद होतात.

या दिवशी अनेक ठिकाणी ऑन ड्यूटी असणार्‍या पोलीस कर्मचार्‍यांचेही कौतुक केले जाते. महिला कर्मचार्‍यांची पारंपारिक पद्धतीने ओटी भरली जाते.

गुढीपाडव्याला अनेक जणी महिलांना त्याच्यातील रण रागिणी जागृत करण्यासाठी प्रेरित करणारा पोशाखही घालतात.

विविध सामाजिक संदेश देणार्‍या रॅली पाडव्याला प्रत्येक शहरातून निघतात. महिलांच्या समस्यांबाबतही जागृकता निर्माण करण्याचा प्रयत्न केला जातो.