आठवड्याचे राशीभविष्य : 13 जून ते 19 जून 2021; 'या' राशीच्या लोकांची प्रियजनांशी भेट होणार, मानसिक सुख मिळणार

By ऑनलाइन लोकमत | Published: June 15, 2021 10:17 AM2021-06-15T10:17:02+5:302021-06-15T10:33:59+5:30

Weekly Horoscope 13 June to 19 June 2021 : कसा असेल तुमचा आठवडा, जाणून घ्या...

हा आठवडा आपल्यासाठी अत्यंत चांगला आहे. आपण आपला बहुतांश वेळ आपले नातेवाईक, शेजारी किंवा मित्रांच्या सहवासात घालवून खूप मौज मस्ती कराल. एखादा चित्रपट बघण्यासाठी सुद्धा जाऊ शकाल. एखादे कला प्रदर्शन सुद्धा आपणास आकर्षित करू शकेल. हा आठवडा प्रेमीजनांसाठी चांगला आहे. आपल्यात प्रेमालाप होऊन प्रणयी जीवन बहरून उठेल. विवाहितांना सुद्धा आपल्या जोडीदाराचे प्रेम अनुभवण्याची संधी मिळेल. कुटुंबात एकमेकांचे मतभेद होऊन कौटुंबिक वातावरण गढूळ होण्याची शक्यता आहे. हा आठवडा नोकरी करणाऱ्या जातकांसाठी चांगला आहे. असे असले तरी एखाद्या कट - कारस्थानात आपण अडकणार नाही ह्याची काळजी मात्र घ्यावी लागेल. व्यापाऱ्यांसाठी हा आठवडा चांगला आहे. प्रवासांचा सदुपयोग करून त्याचा लाभ घ्यावा. आपली प्रकृती निरोगी राहील.

हा आठवडा आपल्यासाठी काही आनंदी क्षणांची झुळूक घेऊन येणारा आहे. आपण कुटुंबियांच्या खुशीने खूप आनंदित व्हाल. कुटुंबात एखादे चांगले व शुभ कार्य झाल्याने कौटुंबिक वातावरणात आनंद पसरेल. ह्या दरम्यान आपणास काही नातेवाईक व ओळखीच्या लोकांना भेटण्याची संधी मिळेल. नोकरी करणाऱ्या जातकांना कामा निमित्त प्रवास करावे लागण्याची शक्यता आहे. आपणास आपल्या कष्टांचे यथोचित फळ मिळेल. ह्या दरम्यान आपण कामाचा आनंद उपभोगू शकाल. व्यापारी वर्गास मात्र आपले कष्ट वाढवावे लागतील. आपणास आपल्या व्यापारावर अधिक लक्ष केंद्रित करावे लागेल. हा आठवडा प्रेमीजनांसाठी चांगला आहे. असे असले तरी अधून मधून आपल्या बोलण्याने आपली प्रियव्यक्ती दुखावली जाण्याची शक्यता आहे. विवाहितांचे वैवाहिक जीवन आनंदित राहील. आपली प्रकृती थोडी नाजूक होण्याची शक्यता आहे. आठवड्याच्या सुरवातीस आपल्या भावंडांसह फिरावयास जाऊ शकाल.

हा आठवडा आपल्यासाठी चांगला आहे. आपण स्वतःवर अधिक लक्ष केंद्रित करून आपले व्यक्तिमत्व सुधारण्यावर भर द्याल. आपणास सुग्रास भोजन करण्याची इच्छा होईल. आपल्या जीवनातील सुख शोधताना काही फायदा होण्याचा तर काही तोटा झाल्याने नैराश्य येण्याची सुद्धा शक्यता आहे. नोकरी करणाऱ्या जातकांसाठी हा आठवडा चांगला आहे. आपण आपल्या कामा बद्धल दक्ष राहिल्यामुळे आपल्या हातून कोणतीही चूक होणार नाही. व्यापाऱ्यांना आपल्या व्यापार विषयक तंत्रात सुधारणा करावी लागेल. प्रेमीजनांसाठी हा आठवडा चांगला आहे. आपल्या प्रिय व्यक्तीचे हृदय जिंकण्यात ते यशस्वी होतील. विवाहितांना आपल्या जोडीदाराचे निरस व प्रेमळ अशी दोन्ही रूपे बघण्यास मिळतील. कुटुंबात एखादा वाद निर्माण होऊ शकतो. कोर्ट केस चालू असल्यास निकाल आपल्या बाजूने लागून आपणास चांगला फायदा होऊ शकतो.

आपण स्वतःवर अधिक लक्ष देऊन आत्मनिर्भर होण्याच्या दिशेने पाऊल उचलाल. ह्या दरम्यान आपण आपल्या प्राप्तीची साधने वाढविण्यावर अधिक लक्ष केंद्रित कराल. मात्र, ह्या आठवड्यात आपणास अपेक्षित परिणाम मिळण्याची शक्यता कमीच आहे. आर्थिक अस्थिरतेमुळे आपणास मित्रांकडून उसने पैसे घ्यावे लागू शकतात. ह्या दरम्यान आपणास आश्वासनांचे महत्व चांगले समजू शकेल. नाते संबंध उत्तम राहिल्याने आपल्या आत्मीयतेत वाढ होईल. विशेषतः कुटुंबातील महिला वर्गाशी आपले संबंध वृद्धिंगत होतील. प्रेमीजनांना किंवा जे नवीन नाते संबंध जुळवू पहात आहेत त्यांना आपला अहंकार नियंत्रणात ठेवावा लागेल. ह्या आठवड्यात वैवाहिक जीवनात चढ - उतार आले तरी आपण वैवाहिक जीवनाचा आनंद उपभोगू शकाल. विद्यार्थ्यांचे अध्ययन उत्तम होईल. ह्या आठवड्यात आरोग्य उत्तम राहिले तरी ऊर्जेचे स्तर टिकवून ठेवण्यासाठी आपणास आयुर्वेदिक किंवा प्राचीन उपचार पद्धतींचा आधार घ्यावा लागेल.

हा आठवडा आपल्यासाठी खूप चांगला आहे. आठवड्याची सुरुवात खूपच चांगली होईल. ह्या दरम्यान आपणास आपल्या प्रिय व्यक्तीसह काही सुखद क्षण घालविण्याची संधी मिळेल. आपण त्याला / तीला एखादी सुंदर वस्तू भेट देऊ शकाल. विवाहितांना आपल्या वैवाहिक जीवनात आनंदाचे क्षण घालविण्याची उत्तम संधी मिळेल. आपण आपल्या जोडीदारासह एकांतात वेळ घालविण्यास प्राधान्य द्याल व त्यामुळे आपल्या नात्यातील गोडवा वृद्धिंगत होईल. नोकरीच्या बाबतीत आपली बुद्धी तीव्रतेने काम करेल जी आपणास अत्यंत उपयुक्त ठरू शकेल. आपले कार्यकौशल्य इतरांच्या नजरेस भरेल व त्यामुळे आपणास अनुकूल निर्णय घेतले जातील. असे असले तरी कार्यालयात एखाद्या बाबतीत आपणास स्पष्टीकरण द्यावे लागू शकते. व्यापारी वर्गास चांगले परिणाम मिळतील. ह्या आठवड्यात आपणास चांगला फायदा होईल. आरोग्य उत्तम राहील.

हा आठवडा आपल्यासाठी चांगला आहे. आठवड्याच्या मध्यास आपण एखादा प्रवास धार्मिक कारणांसाठी कराल. ह्या प्रवासाने आपण आनंदित तर व्हालच, शिवाय त्याने आपणास मानसिक शांती सुद्धा मिळेल. कुटुंबातील लहानाची आपणास कामात मदत होईल व वडिलधाऱ्यांचे आशीर्वाद सुद्धा आपल्या कामात मदतरूप होतील. नोकरी करणाऱ्या जातकांसाठी हा आठवडा चांगला असला तरी कार्यालयातील महिला सहकाऱ्यांशी वाद होण्याच्या शक्यतेमुळे थोडी काळजी घ्यावी. व्यापारी वर्गास आपल्या व्यापारात एखादी नवीन योजना अंमलात आणण्याची गरज भासेल. प्रेमीजनांसाठी आठवडा चांगला असला तरी आपल्या प्रिय व्यक्तीस खूश करण्यासाठी आपणास प्रयत्नांची पराकाष्ठा करावी लागेल. विवाहितांच्या वैवाहिक जीवनात आनंद पसरून जीवनातील प्रेम व रोमान्स वृद्धिंगत होईल. आठवड्याचे मधले दिवस प्रवासासाठी अनुकूल आहेत. आठवड्याच्या अखेरीस आपण कुटुंबियांच्या सहवासात वेळ मजेत घालवू शकाल.

हा आठवडा आपल्यासाठी अंशतः लाभदायी आहे. आपण आपले काम एक पूजा समजून कराल व त्याचे आपणास चांगले फल सुद्धा मिळेल. मात्र, आपल्या मनात एखाद्या गोष्टीचा राग भरलेला असेल व तो अचानकपणे बाहेर उफाळून येण्याची शक्यता आहे. कोणाशी भांडण होणार नाही ह्याची काळजी घ्यावी. आपले वरिष्ठ आपणास काही आव्हानात्मक काम देण्याची शक्यता असून ती पूर्ण करणे आपल्यासाठी अवघड होऊ शकते. आपले आरोग्य उत्तम राहील. हा आठवडा व्यापारासाठी मध्यम फलदायी आहे. प्रणयी जीवन सुखद राहील. विवाहितांना त्यांच्या कामात जोडीदाराची मदत होऊ शकेल. आपणास संतती कडून एखादा विशेष लाभ संभवतो.

हा आठवडा आपल्यासाठी सामान्य फलदायी आहे. आठवड्याच्या सुरवातीस आपण अत्यंत फायदेशीर सौदा करून धनप्राप्ती कराल. आपली आर्थिक स्थिती मजबूत होईल. आपण एखाद्या संग्रहालयात प्रदर्शन बघण्यास जाऊ शकाल. नोकरी करणाऱ्या जातकांसाठी हा आठवडा यश प्राप्तीचा असून आपल्या कामाचे आपणास चांगले फल मिळेल. व्यापारी वर्गास सुद्धा यश प्राप्त होऊन व्यापारास गती येईल. आपली प्रकृती उत्तम राहील. धन प्राप्तीच्या दिशेने आपण वाटचाल कराल. विवाहितांच्या जीवनात आनंद पसरेल. प्रेमीजनांसाठी सुद्धा हा आठवडा चांगला आहे. आपण आपल्या प्रिय व्यक्तीची ओळख आपल्या कुटुंबियांना करून देऊ शकाल. त्यामुळे आपणास प्रणयी जीवनात प्रगती साधता येईल. हा आठवडा प्रवासासाठी अत्यंत अनुकूल आहे.

हा आठवडा आपल्यासाठी अंशतः फलदायी आहे. आठवड्याच्या सुरवातीस कोणताही मोठा निर्णय घेऊ नये. तसेच त्या दरम्यान आपल्या प्रकृतीची काळजी घ्यावी. अति उष्ण पदार्थ भोजनात घेणे टाळावे. अन्यथा आपणास प्रकृती विषयक त्रास होऊ शकतो. नोकरी करणाऱ्या जातकांसाठी हा आठवडा अधिक लक्ष देऊन व कष्ट वाढवून काम करण्याचा आहे. आपणास आपल्या विरोधकांवर लक्ष ठेवावे लागेल. विवाहितांच्या वैवाहिक जीवनात आनंद पसरेल. आपल्या नात्यात रोमान्स वाढेल. सासुरवाडी कडील लोकांशी चांगले वागणेच उचित होईल. प्रेमीजनांसाठी सुद्धा हा आठवडा चांगला आहे. आपल्या योजना हळू हळू कार्यान्वित झाल्याने आपला आत्मविश्वास वाढेल. ह्या आठवड्याच्या सुरवातीस प्रवास टाळणे हितावह राहील.

हा आठवडा आपल्यासाठी खूपच चांगला आहे. आपण आपल्या व्यापारासाठी एखादी नवीन संपत्तीची खरेदी करू शकाल किंवा नवीन कार्यालय उघडू शकाल अथवा आपला वैवाहिक जोडीदार एखाद्या संपत्तीची मालकी मिळवू शकेल. नोकरी करणाऱ्या जातकांसाठी हा आठवडा कष्ट करण्यास अनुकूल आहे. आपण आपल्या कामास एक वेगळी दिशा द्याल व त्यामुळे आपली पकड़ मजबूत होईल. व्यापारी वर्गास आपला व्यापार विस्तारण्याची संधी मिळेल. आरोग्य उत्तम राहील. वैवाहिक जीवनात परिस्थिती उत्तम राहिल्याने दांपत्य जीवनाचा आनंद उपभोगता येईल. हा आठवडा प्रेमीजनांसाठी थोडा नाजूक असल्याने संवाद साधताना त्यांना थोडी काळजी घ्यावी लागेल. तसेच दोघांत कोणत्याही प्रकारे संपर्क खंडित करावा लागेल. आठवड्यात आपणास चांगली प्राप्ती होईल. त्यामुळे आर्थिक स्थिती आपल्या नियंत्रणात राहील.

हा आठवडा आपल्यासाठी खूपच चांगला आहे. आठवड्याच्या सुरवाती पासूनच आपली मनःस्थिती प्रेमालाप करण्याची असल्याने प्रणयी जीवनाचा मनसोक्त आनंद आपण घेऊ शकाल. आपल्या प्रिय व्यक्तीच्या सहवासात सुखद क्षण घालवू शकाल. प्रिय व्यक्तीसह एखादा चित्रपट बघण्याचा किंवा रात्री भोजन घेण्याचा किंवा दूरवर फिरावयास जाण्याचा विकल्प आपल्या समोर असेल. विवाहितांचे वैवाहिक जीवन सुद्धा आनंदाने खुलून उठेल. आपण एकमेकां प्रति आपली जवाबदारी व नात्याचे महत्व समजून घेतल्यामुळे आपल्यातील जवळीक वाढेल. नोकरी करणाऱ्या जातकांना कामाचा चांगला लाभ होईल. आपल्या कष्टाचे चीज होईल. विनाकारण कोणाशी भांडण होणार नाही ह्याची दक्षता घ्यावी. आपण विरोधकांवर मात करू शकाल. हा आठवडा व्यापाऱ्यांसाठी चांगला असला तरी त्यांनी आपल्या योजना गुप्त ठेवाव्यात. एखादी व्यक्ती आपला गैरफायदा घेण्याची शक्यता आहे. आपली प्रकृती उत्तम राहील. आठवड्याच्या सुरवातीस आपण एखादा प्रवास करू शकता. विद्यार्थ्यांना अध्ययनात चांगले यश प्राप्त होईल व त्यामुळे आपली स्थिती मजबूत होईल.

हा आठवडा आपल्यासाठी अत्यंत चांगला आहे. आपण कौटुंबिक जवाबदाऱ्या समजून घ्याल. कौटुंबिक कार्यात सहभागी व्हाल. कुटुंबियांसाठी कष्ट करून त्यांचे हृदय जिंकू शकाल. नोकरी करणाऱ्या जातकांना त्यांच्या कामाचे यथोचित फळ मिळेल. अर्थात आपणास कष्ट सुद्धा जास्त करावे लागतील. दूरवरचे प्रवास सुद्धा करावे लागतील. त्यामुळे आपल्या कामात बरकत येऊन आपली प्रगती होईल. हा आठवडा व्यापारी वर्गासाठी चांगला आहे. आपल्या कामात यश प्राप्त होईल. प्रेमीजनांना आपल्या जीवनात चढ - उतारास सामोरे जावे लागू शकते. एकमेकात गैरसमज होण्याची शक्यता आहे. ते दूर करण्यासाठी एकमेकांशी मोकळेपणाने बोलणे हा एक उत्तम पर्याय होय. विवाहितांचे वैवाहिक जीवन प्रेमाने भरलेले असेल. आपण आपले नाते दृढ करण्याचा प्रयत्न कराल, मात्र काही लोक आपल्या नात्यात मिठाचा खडा टाकण्याचा प्रयत्न करतील. तेव्हा त्यांच्या पासून सावध राहावे. आठवड्याचे मधले दिवस प्रवासासाठी अनुकूल आहेत. प्राप्तीत वाढ होईल. विद्यार्थ्यांची अभ्यासातील एकाग्रता कमी होईल.

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!