नेमबाज सौरभची अविश्वसनीय भरारी

1 / 5

सौरभ चौधरीने वरिष्ठ स्तरावर पहिलेच पदक जिंकले. मागील वर्षभरात उत्तर प्रदेशच्या या खेळाडूने राष्ट्रीय स्पर्धांवर वर्चस्व गाजवले आहे. त्याने आशियाई स्पर्धेत 10 मीटर एअर पिस्तुल गटाच बाजी मारली.

2 / 5

डिसेंबर 2017 मध्ये सौरभने 10व्या आशियाई युवा ऑलिम्पिक पात्रता स्पर्धेत जागतिक विक्रमासह सुवर्णपदक जिंकून युवा ऑलिम्पिकचे तिकीट मिळवले. 2018च्या या युवा स्पर्धेची पात्रता मिळवणारा तो तिसरा भारतीय खेळाडू ठरला.

3 / 5

2017च्या केएसएस नेमबाजी अजिंक्यपद स्पर्धेत 15 वर्षीय सौरभने 10 मीटर एअर पिस्तुलच्या अंतिम लढतीत दिग्गज जितू रायला पराभवाचा धक्का दिला होता. त्याच स्पर्धेत त्याने कनिष्ठ व युवा गटाचे रौप्यपदकही जिंकले होते.

4 / 5

2017च्या जागतिक कनिष्ठ अजिंक्यपद स्पर्धेत त्याने भारतीय संघासोबत कांस्यपदक जिंकले होते, तर वैयक्तिक गटात त्याला चौथ्या स्थानावर समाधान मानावे लागले होते.

5 / 5

जर्मनीत कनिष्ठ विश्वचषक स्पर्धेत त्याने 10 मीटर एअर पिस्तुल प्रकारात सुवर्ण जिंकले होते. त्याने 243.7 गुणांची कमाई करताना हे पदक जिंकले होते. चायनीज तैपेईच्या वँग झेहाओ ( 242.5) याच्या नावावर कनिष्ठ गटाचा विश्वविक्रम होता. याच स्पर्धेत त्याने मिश्र सांघिक गटाचे सुवर्ण जिंकले होते.