दिल जीत लिया... PM मोदी थेट सीमेवर, नेटिझन्सच्या आनंदाला 'सीमा'च उरली नाही!

नरेंद्र मोदींच्या लेह दौऱ्याने तरुण नेटकरी भारावलेत आणि त्यांनी मोदींना सॅल्यूट केलाय.

गलवान खोऱ्यातील हिंसक झटापटीनंतर, प्रत्यक्ष नियंत्रण रेषेवर भारत-चीनमधील तणाव वाढला असतानाच, पंतप्रधान नरेंद्र मोदी यांनी आज लेह प्रदेशातील निमू या भागाचा दौरा केला.

गलवान खोऱ्यात भारताच्या 20 जवानांना वीरमरण आल्यानंतर, देशवासीयांच्या मनात चीनविषयी चीड आहे. अशावेळी, भारतीय लष्कराचं मनोधैर्य उंचावण्यासाठी मोदींनी थेट सीमा गाठल्यानं नेटिझन्स भलतेच खूश झाल्याचं सोशल मीडियावरील प्रतिक्रियांमधून दिसलं.

आपले बाहू आपल्या सभोवताली असलेल्या पर्वताप्रमाणे बलदंड आहेत. आपली इच्छाशक्ती प्रचंड आहे, आपल्या अतुलनीय शौर्याला सलाम, अशा शब्दांत त्यांनी जवानांचा गौरव केला.

अख्खा देश भारतीय लष्कराच्या पाठीशी खंबीरपणे उभा असल्याची ग्वाही मोदींनी दिली.

नरेंद्र मोदींच्या या कृतीनं तरुण नेटकरी भारावलेत आणि त्यांनी मोदींना सॅल्यूट केलाय.