PHOTOS : Next Station बनारस... PM मोदींची मध्यरात्री रेल्वे स्टेशनवर भ्रमंती

1 / 11

भारतात अनेक सल्तनती आल्या आणि गेल्या. अनेक आक्रमक आले आणि गेले. मात्र, पवित्र काशी या सर्वांना पुरून उरली.

2 / 11

या शहराचे महात्म्य आजही कायम आहे, अशा शब्दांत पंतप्रधान नरेंद्र मोदी यांनी काशीच्या धार्मिक आणि सांस्कृतिक वारशाचा गौरव केला.

3 / 11

काशी विश्वनाथ कॉरिडॉरच्या उद्घाटनप्रसंगी ते बोलत होते. पाच लाख चौरस मीटर परिसरात विस्तारलेल्या कॉरिडॉरच्या पहिल्या टप्प्याचे पंतप्रधानांच्या हस्ते सोमवारी थाटात उद्घाटन झाले.

4 / 11

वाराणसी येथील काशी विश्वनाथ मंदिर परिसराचा विकास करण्याचा महत्वाकांक्षी प्रकल्प पंतप्रधान मोदी यांच्या मनात होता. त्याची स्वप्नपूर्ती सोमवारी झाली.

5 / 11

काशीतील कॉरिडोअरचे उद्घाटन केल्यानंतर पंतप्रधान नरेंद्र मोदींनी मध्यरात्री बनारस स्टेशनला भेट दिली. यावेळी, स्टेशनवर मोठा बंदोबस्त करण्यात आला आहे.

6 / 11

मोदींनी आपल्या ट्विटर अकाऊंटवरुन बनारस रेल्वे स्टेशनवरील फोटो शेअर केले आहेत. या फोटोंमध्ये मोदींसमवेत मुख्यमंत्री योगी आदित्यनाथ हेही दिसत आहेत.

7 / 11

थंडीचे दिवस असल्याने मोदींनी मफलर आणि स्वेटर परिधान केल्याचे येथील फोटोमध्ये दिसून येत आहे

8 / 11

मध्यरात्री 1.13 मिनिटांनी मोदींनी योगींसह बनारस स्टेशनला भेट दिली. यावेळी, येथील परिसराची पाहणी करतानाच स्टेशनवरील व्यापाऱ्यांशी संवादही साधला

9 / 11

मोदींच्या बनारस स्टेशनवरील दौऱ्यामुळे येथे कडक बंदोबस्त ठेवण्यात आला होता. कमांडो आणि पोलीस फौजफाटा घेऊन मोदींनी स्टेशन परिसरात भ्रमंती केली

10 / 11

तत्पूर्वी मोदींनी भाजपच्या मुख्यमंत्री आणि उपमुख्यमंत्री व प्रमुख नेत्यांची बैठक घेतली. या बैठकीत आगामी विधानसभा निवडणुकांसाठीची रणनितीवरही चर्चा झाल्याचे समजते

11 / 11

मोदींसह उत्तर प्रदेशचे मुख्यमंत्री योगी आदित्यनाथ व सुमारे तीन हजार निमंत्रित काशीतील कॉरिडोअरच्या उद्घाटनप्रसंगी उपस्थित होते.