Donald Trump's India Visit : कौन है वो?... ट्रम्प-मोदी-मेलानिया यांच्यासोबत रेड कार्पेटवर चालणाऱ्या 'ती'ची गोष्ट

डोनाल्ड ट्रम्प यांच्यासह त्यांच्या पत्नी मेलानिया आणि मुलगी इवांका ट्रम्प भारताच्या दौऱ्यावर आल्या आहेत. ट्रम्प-मोदी-मेलानिया यांच्यासोबत रेड कार्पेटवर असणाऱ्या एका महिलेने सर्वांचंच लक्ष वेधून घेतलं.

अमेरिकेचे राष्ट्राध्यक्ष डोनाल्ड ट्रम्प आजपासून दोन दिवसांच्या भारत दौऱ्यावर आले आहेत. पंतप्रधान नरेंद्र मोदी यांनी जादू की झप्पी देत नेहमीप्रमाणे डोनाल्ड ट्रम्प यांचं स्वागत केलं आहे.

डोनाल्ड ट्रम्प यांच्यासह त्यांच्या पत्नी मेलानिया आणि मुलगी इवांका ट्रम्प भारताच्या दौऱ्यावर आल्या आहेत. ट्रम्प-मोदी-मेलानिया यांच्यासोबत रेड कार्पेटवर असणाऱ्या एका महिलेने सर्वांचंच लक्ष वेधून घेतलं.

गुरदीप कौर चावला असं या महिलेचं नाव असून त्या पंतप्रधान नरेंद्र मोदी यांच्यासाठी भाषांतर करण्याचं (इंटरप्रेटर) काम करतात. रेड कार्पेटवर चालणाऱ्या गुरदीप कौर चावला यांची आज जोरदार चर्चा रंगली आहे.

परदेश दौऱ्यावेळी जेव्हा पंतप्रधान मोदी हिंदीमध्ये भाषण देतात तेव्हा गुरदीप त्याचं इंग्रजी भाषेत भाषांतर करतात. तसेच अनेकदा त्या मोदींसोबत भारतामध्ये परदेशी नेत्यांच्या दौऱ्यादरम्यान सोबत असतात.

पंतप्रधान मोदींनी हिंदीमध्ये भाषण केल्यानंतर गुरदीप कौर चावला त्याचं इंग्रजीमध्ये भाषांतर करतात. जेणेकरून जगभरातील नेत्यांना मोदींनी केलेलं हिंदीतील भाषण समजण्यास मदत होते.

1990 मध्ये गुरदीप यांनी संसदेतून आपल्या करिअरला सुरुवात केली. मात्र काही काळानंतर त्या आपल्या पतीसोबत अमेरिकेमध्ये शिफ्ट झाल्या.

2010 मध्ये अमेरिकेच्या माजी राष्ट्राध्यक्षांसोबत त्या भारतात आल्या होत्या. त्यावेळी त्यांनी त्यांच्यासाठी भाषांतर करण्याचं काम केलं होतं.

2014 मध्ये मेडिसन स्क्वेअर गार्डनमध्ये आयोजित करण्यात आलेल्या एका कार्यक्रमातही गुरदीप सहभागी झाल्या होत्या. त्यांनी पंतप्रधान मोदी आणि ओबामा यांच्यामध्ये इंटरप्रेटरचं काम केलं आहे.

गुरदीप कौर चावला यांना सर्व भाषेचं खूप ज्ञान आहे. त्यामुळेच त्यांना एक उत्तम ट्रान्सलेटर मानलं जातं.

पंतप्रधान मोदी जेव्हा दौरा करतात तेव्हा गुरदीप स्थानिक भाषेच्या माध्यमातून तेथील लोकांना कनेक्ट करतात. त्यामुळे अनेकदा परदेश दौऱ्यादरम्यान मोदींसोबत त्या असतात.