CoronaVirus : सरपंचानं वाटलं लोणचं; आचारी निघाले कोरोना पॉझिटिव्ह, १०० गावकरी झाले क्वारंटाइन
By ऑनलाइन लोकमत | Published: June 2, 2020 04:53 PM2020-06-02T16:53:48+5:302020-06-02T17:10:50+5:30
CoronaVirus बऱ्याचदा कोरोनाची कोणतीही लक्षणं नसतानाही रुग्ण संक्रमित होत असल्याचं समोर आलं आहे.
कोरोनाच्या या संकटात संक्रमितांचा आकडा दिवसागणिक वाढतच चालला आहे. बऱ्याचदा कोरोनाची कोणतीही लक्षणं नसतानाही रुग्ण संक्रमित होत असल्याचं समोर आलं आहे.
त्यामुळे अनेक जणांनी या कोरोनारुपी राक्षसाचा धसका घेतला आहे. तेलंगणातल्या महबूब नगरमध्येही असंच एक प्रकरण समोर आलं आहे. त्यानं अख्खा गाव घाबरून गेला आहे.
तेलंगणातील महबूबनगरमधील नवाबपेट मंडळस्थित एका गावामध्ये खळबळ उडाली आहे. गावच्या सरपंचांनी काही दिवसांपूर्वी ४ हजार लोकांमध्ये आंब्याच्या लोणच्याचं वाटप केलं होतं.
लोणचं विकणारा व्यापारी आणि तो बनवणारे आचारी हे दोघेही कोरोना पॉझिटिव्ह असल्याचे आढळले आहे. या नंतर गावात एकच गोंधळ उडाला असून, जवळपास 100 ग्रामस्थांना घरातच अलग ठेवण्यात आले आहे.
एकीकडे आरोग्य विभागाचे कर्मचारी कोरोना विषाणूचा फैलाव कमी करण्यासाठी प्रयत्नशील आहेत. तर दुसरीकडे कोल्लूरमध्ये विषाणूच्या भीतीने लोकांनी दुकाने बंद केली आहेत.
उन्हाळ्यात तेलंगणामध्ये आंब्याच्या लोणच्याला प्राधान्य दिले जाते. सरपंचांनी वाटलेलं लोणचं खाल्ल्यानं 112 ग्रामस्थांना सध्या घरातच अलग ठेवण्यात आलं आहे.
जिल्हा वैद्यकीय व आरोग्य अधिकारी (डीएमएचओ) डॉ. के. कृष्णा म्हणाले की, अद्यापपर्यंत कोणताही गावकरी कोरोना पॉझिटिव्ह आढळलेला नाही.
गावकऱ्यांचं केलं जातंय समुपदेशन
डीएमएचओ म्हणाले, गावकऱ्यांनी घाबरून जाण्याची गरज नाही, परिस्थिती नियंत्रणात आहे.
होय, लोणचे खाल्ल्यानंतर काही गावकरी घाबरले आहेत. परंतु आम्ही त्यांना समजावून सांगितले की, लोणचे खाल्ल्याने त्यांना विषाणूची बाधा होणार नाही.
शादपूरहून आले होते स्वयंपाकी व व्यापारी
अधिका-यांच्या म्हणण्यानुसार, सरपंच व तिच्या पतीने गावातील सर्व घरात लोणचे वाटण्याचा कार्यक्रम केला. आंब्याचे लोणचे बनविण्यासाठी तो व्यापा-यास भेटण्यासाठी शादपूरला गेला.
शादपूर हे कोल्लूरपासून 52 किमी अंतरावर आहे. लोणचे बनवण्यासाठी एका व्यापा-याने दोन स्वयंपाकांची व्यवस्था केली आणि ते गावात आले.
सरपंचांनी 12 जणांना एकत्र केले आणि आंबाच्या लोणचे बनविले. ते लोणचं खाऊन सगळेच कामाला लागले
दोन क्विंटल लोणचे बनविण्यात आले
दोन क्विंटल लोणचे तयार करण्यात आले. त्याच दिवशी काही लोकांनी लोणच्याची चव चाखली. दुसर्‍या दिवशी काही लोकांनी लोणचे खाल्ले, तर काहींनी बरणीत साठवून ठेवून घरी नेले.
व्यापारी आणि एक आचारी कोरोना पॉझिटिव्ह असल्याचे समजताच ग्रामस्थांना धक्काच बसला.