लडाख सीमेजवळ चीनच्या लढाऊ विमानांचं उड्डाण; J-7 अन् J-17 भारतासाठी किती धोकादायक?

सीमेच्या वादावरून लडाखमध्ये भारत आणि चिनी सैन्यामध्ये तणाव आहे. दोन्ही देशांचे सैन्य समोरासमोर आहेत. अशा परिस्थितीत चीनने भारतीय सीमेजवळ लढाऊ विमान पाठवून तणाव वाढविला आहे.

चिनी सैन्याचे लढाऊ विमान पूर्व लडाखजवळ उड्डाण करत आहे. गरगुन्साजवळील चिनी सैन्याच्या पीएलएचा हवाई तळ आहे. चीनच्या या कार्यवाहीवरुन भारतीय सुरक्षा एजन्सीही सतर्क झाली आहेत सर्विलांसच्या मदतीने चीनच्या प्रत्येक कृतीवर लक्ष ठेवले जात आहे.

चिनी हवाई दलाने J-7 आणि J-17 ही लढाऊ विमान भारतीय सीमेजवळ तैनात केले आहेत. लडाखमधील कोणत्याही प्रतिकूल परिस्थितीला प्रत्युत्तर देण्यासाठी भारतीय हवाई दलाने लडाखच्या जवळच्या एअरबेसवर सुखोई ३०, एमकेआय, मिरज २०००, मिग २९ आणि एलसीए तेजस यासारख्या लढाऊ विमानांची व्यवस्था केली आहे.

अशा परिस्थितीत चीनच्या J -7 आणि J -17 सारख्या लढाऊ विमानांची ताकद जाणून घेणे महत्वाचे आहे. चीनची J-7 एक सिंगल इंजिन आणि कमी वजनाची लढाऊ विमान असून ती चीनची स्वत: ची कंपनी चेंगदू एअरक्राफ्ट कॉर्पोरेशनने बनविली आहे.

हे फायटर जेट मिग -21 आधारे तयार केले गेले आहे. सध्या जगभरात सुमारे 2 हजार ४०० जे -7 विमाने कार्यरत आहेत

J -7 लढाऊ विमान कोणत्याही हवामानात हवेतून जमिनीवर हल्ले करण्यास सक्षम आहे. ते त्याच्या सुपरसोनिक वेगाने सर्वाधिक उंचीवर उड्डाण करू शकते. शॉर्ट रेंज अटॅक क्षमता असणारी फायटरजेट केवळ हवाई श्रेणी संरक्षणासाठी योग्य मानली जाते.

आता जर आपण J-17 लढाऊ विमानाबद्दल जाणून घेऊ, ते सिंगल इंजिन आणि कमी वजनाचे बहुउद्देशीय लढाऊ विमान आहे जे चीनी कंपनी चेंगदू एअरक्राफ्ट कॉर्पोरेशनने विकसित केले आहे. हे २००३ मध्ये बनवण्यात आलं आहे. आणि २००७ पासून हे चीन, पाकिस्तानसह अनेक देशांच्या एअरफोर्सचा एक भाग आहे.

त्याचा परिचालन क्षेत्र १, ३५२ किमी आहे. या विमानाचे वजन सुमारे ६,४११ किलोग्राम आहे आणि ते शस्त्रांसह एकूण १२,४७४ किलो वजनासह उड्डाण घेण्यास सक्षम आहे

J-17 लढाऊ विमान मध्यम श्रेणी एअर-टू-एअर क्षेपणास्त्र (एमआरएएएम), उपग्रह मार्गदर्शित वॉरहेड, गुरुत्व बॉम्ब, अँटी शिप मिसाईल, अँटी रेडिएशन मिसाईल, रॉकेट लॉन्चरसह सुसज्ज आहे.

J -17 लढाऊ विमान एनआरईईटी केएलजे -7 रडारने सुसज्ज आहे. केएलजे -7 रडार ट्रॅकच्या स्कॅन मोडद्वारे व्हिज्युअल रेंज (बीव्हीआर) पासून बरेच दूर असलेल्या दहा लक्ष्यांच्या ट्रकवर हल्ला करण्यास सक्षम आहे.