'अब तुम्हारे हवाले वतन साथियों'... वीरपुत्र निनाद मांडवगणे अमर रहे...! By ऑनलाइन लोकमत | Published: March 01, 2019 5:20 PM
1 / 15 जम्मू-काश्मिरच्या भारत-पाक सीमेवर मागील चार दिवसांपासून निर्माण झालेल्या आपत्कालीन परिस्थीतीत लढाऊ हेलिकॉप्टरद्वारे सीमेवर टेहळणी करत असताना हेलिकॉप्टर कोसळून वैमानिक निनाद अनिल मांडवगणे (वय ३३) यांना वीरमरण आले. 2 / 15 वायू सेनेच्या वतीने सजवलेल्या वाहनातून त्यांचे पार्थिव डिजीपी नगर येथील शहीद निनाद यांच्या निवासस्थानी नेण्यात आले तेथे त्यांच्या कुटुंबीय आणि नाशिकमधील हजारो नागरिकांनी अंत्य दर्शन घेतलं. 3 / 15 नाशिक भारतीय वायुसेनेच्या तुकडीने, पोलिसांच्या तुकडीने शहीद निनाद यांचे पार्थिव त्यांच्या निवास्थानी पोहोचवले 4 / 15 आपल्या गावच्या भूमिपुत्राला पाहण्यासाठी नागरिकांस प्रशासन अन् पत्रकारांनीही यावेळी गर्दी केली होती. 5 / 15 नाशिक शहीद निनाद यांच्या माता-पित्याचे सांत्वन करताना निवासस्थानी भारतीय वायुसेनेचे अधिकारी 6 / 15 शहीद निनाद यांचे पार्थिव दर्शनासाठी अमरधाम मैदानात ठेवण्यात आले होते. त्यावेळी आपल्या मुलाच्या पार्थिवाचे अंत्यदर्शन घेताना जन्मदाता आई अन् पिता, काळजावर दगड ठेवावा असा हा कठीण प्रसंग 7 / 15 निशब्द होऊन जावं, काय कॅप्शन द्यावं. देशासाठी शहीद झालेल्या आपल्या बापाला काय बर सांगत असेल हे चिमुकलं बाळ 8 / 15 शहीद निनाद मांडवगणे यांच्या अंत्यसंस्कारासाठी नाशिकच्या अमरधाममध्ये हजारोंचा समुदाय, तिरंगा ध्वज हातात घेऊन वंदे मातरम आणि भारत माता की जयचा जयघोष करत होता. 9 / 15 शहीद निनाद यांच्या अंत्यसंस्कारासाठी नाशिक अमरधाम येथे मोठी गर्दी झाली असून मानवंदना देण्यासाठी वायू सेनेचे पथकही दाखल झाले होते. 10 / 15 वायू सेनेतील अधिकाऱ्यांनी देशाची शान असलेला तिरंगा शहीद निनाद यांच्या वीरपत्नीकडे सुपूर्द केला, या वीरपत्नीच्या धैर्याला सॅल्यूट 11 / 15 कुठून येतं हे धैर्य, कुठून येतो हा जज्बा, पतीच्या निधनानंतरही समोरच्या परिस्थितीला सामोरे जाताना सॅल्यूट करण्यासाठी उचललेला हा हात म्हणजे.... जय हिंद 12 / 15 शहीद जवान अमर रहे, भारत जिंदाबाद पाकिस्तान मुर्दाबादच्या घोषणांनी दुमदुमला परिसर. तसेच तोफखान्याच्या जवानांनी शहीद निनाद मंडवगणे यांना सशस्त्र मानवंदना दिली 13 / 15 पालकमंत्री गिरीश महाजन, महापौर रंजना भानसी, आमदार देवयानी फरांदे, उपमहापौर प्रथमेश गीते हेही अंत्यदर्शनासाठी उपस्थित होते 14 / 15 शाहिद निनाद यांना निरोप देण्यासाठी गोदाकाठी जनसागर उसळला आहे. भारत माता की जय अशा घोषणांनी परिसर दुमदुमून गेला. तिरंगा ध्वज घेऊन नागरिक आले असून शाळकरी मुलांचाही समावेश आहे. 15 / 15 अमर रहे अमर रहे... वीर जवान निनाद मांडवगणे अमर रहे..... भारमातेच्या वीरपुत्रास 'भावपूर्ण श्रद्धांजली' आणखी वाचा