भीमा-कोरेगाव हिंसाचाराचं लोण मुंबईत, अनेक ठिकाणी आंदोलकांचा रास्ता रोको

भीमा-कोरेगाव येथे संघर्षाचे लोण राज्याच्या वेगवेगळ्या भागात पसरले असून मुंबईतही हिंसक पडसाद उमटले आहेत.

चेंबूर, गोवंडी येथे रेल रोको झाल्याने हार्बर मार्गावरील वाहतूक विस्कळीत झाली.

मुंबईत आज वेगवेगळया भागात रास्ता रोको आंदोलन करण्यात आले. चेंबूर, सायन-पनवेल मार्गावरील वाहतूक रोखून धरली होती.

चेंबूर, मुलुंड, कुर्ला, गोवंडी परिसरात मोठया प्रमाणावर पोलीस बंदोबस्त तैनात करण्यात आला आहे. राज्य राखीव पोलीस दल आणि 400 अतिरिक्त पोलीस तैनात करण्यात आले आहेत.

चेंबूर येथील अमर महाल, घाटकोपर इथे दगडफेकीच्या घटना घडल्या. भीमा-कोरेगाव हिंसाचारामुळे अहमदनगर, औरंगाबाद येथे जाणारी बससेवा बंद करण्यात आली.