जगातला एकमेव अनोखा देश, 'या' देशाला राजधानीच नाही! तुम्हाला माहितीये का?

जगातील प्रत्येक देशाची एक राजधानी असते, जिथून त्या देशाचा कारभार चालवला जातो. परंतु, जगात असा एक देश आहे, ज्याची राजधानीच नाही.

जेव्हा आपण जगातील कोणत्याही देशाबद्दल बोलतो, तेव्हा त्याच्या राजधानीबद्दल देखील चर्चा होतेच. कोणत्याही देशाची राजधानी त्याचे हृदय असते आणि देशाचा कारभार तिथून चालवला जातो. जसे भारतात, देशाचा कारभार दिल्लीतून चालवला जातो. पण जर एखाद्या देशाकडे राजधानी नसेल तर? जगात असा एक देश आहे, ज्याची राजधानी नाही.

जगात एकूण १९५ देश आहेत, ज्यांची स्वतःची राजधानी आहे. राजधानी हे देशातील एक असे शहर असते, जिथे संबंधित सरकारची कार्यालये असतात. तिथे कायदे किंवा संविधान निश्चित केले जाते.

या जगात असा एक देश आहे, ज्याची कोणतीही राजधानी नाही. या देशाचे नाव आहे नाउरू. हा देश लहान-मोठ्या बेटांनी बनलेला आहे. म्हणूनच त्याला जगातील सर्वात लहान बेटांचा देश देखील म्हटले जाते.

नाउरू हा देश मायक्रोनेशियामध्ये दक्षिण प्रशांत महासागरात आहे. हा देश २१ चौरस किलोमीटरमध्ये पसरलेला आहे आणि त्याला 'नौरू' म्हणूनही ओळखले जाते. हा जगातील एकमेव देश आहे ज्याला राजधानी नाही.

इतिहासकारांच्या मते, येथे १२ जमाती राज्य करत होत्या. हे या देशाच्या ध्वजातही दिसून येते. येथील लोक जंगलात सापडणाऱ्या खनिजांपासून भरपूर कमाई करत असत.

मात्र, आता येथील लोक नारळ पिकवून आपला उदरनिर्वाह करतात. येथे लोकसंख्या खूपच कमी आहे आणि येथील लोक राष्ट्रकुल खेळ आणि ऑलिंपिकमध्ये देखील भाग घेतात. येथील मुख्य शहर यारेन आहे.

नाउरू हा देश इतका लहान आहे की, तो फक्त दोन तासांत फिरता येतो. कारण तो खूप लहान परिसरात आहे आणि येथे पाहण्यासारख्या फारशा गोष्टी नाहीत. म्हणूनच पर्यटक येथे जास्त काळ राहत नाहीत.

आश्चर्याची गोष्ट म्हणजे, हा देश इतका लहान असला तरी, त्याच्याकडे आंतरराष्ट्रीय विमानतळ देखील आहे. जे नौरूला बाहेरील जगाशी जोडते आणि पर्यटकांसाठी ते महत्त्वाचे आहे.