अजब देश! संसद, सरकार, सैन्य सगळं आहे, पण जगाच्या नकाशावर अस्तित्वच नाही, कारण काय?

1 / 6

विशिष्ट्य भूभाग संसद, सरकार, लष्कर, स्वत:चं चलन ही एखाद्या देशाची ओळख मानली जाते. मात्र जगात असा एख देश आहे ज्याच्याकडे या सर्व गोष्टी असूनही या देशाला जगाच्या अधिकृत नकाशात स्थान देण्यात आलेलं नाही. या अजब देशाचं नाव आहे सोमालीलँड. आफ्रिका खंडातील हॉर्न म्हणजेच उत्तर टोकाला हा अजब भूभाग आहे. सोमालीलँडने स्वत:ला स्वतंत्र देश घोषित केलेले आहे. मात्र संयुक्त राष्ट्रांनी त्याला मान्यता दिलेली नाही.

2 / 6

सोमालीलँड हा देश एडनच्या आखाताला लागून आहे. याच भागातून जगभरात तेल आणि मालाची मोठ्या प्रमाणात वाहतूक होते. त्यामुळे या सागरी भागावर असलेल्या सोमालीलँडचा दबदबा कुठल्याही देशापेक्षा कमी नाही आहे. असं असूनही सोमालीलँडला अजूनही सोमालियाचा भाग मानलं जातं.

3 / 6

सोमालीलँडची लोकसंख्या सुमारे ५० लाख एवढी आहे. तसेच येथे सोमालीलँड सरकारकडून कर वसूल केला जातो. सीमांचं रक्षण केलं जातं. तसेच आंतरराष्ट्रीय करारमदारांमध्ये सहभागी होण्यासाठी प्रयत्न केला जातो. मात्र जगाच्या अधिकृत नकाशात आणि अधिकृत देशांच्या यादीत या देशाचं नाव कुठेही दिसत नाही. त्यामुळे सागरी सीमेवर वर्चस्व असलं तरी जगभरात अधिकृत कागदपत्रांमध्ये त्याचं अस्तित्व कुठेच नाही.

4 / 6

एकीकडे आफ्रिकेतील अनेक देशांत हिंसाचार आणि अशांतता असताना सोमालीलँडमध्ये मात्र बऱ्यापैकी शांतता असून, गेल्या अनेक वर्षांपासून येथे सातत्याने शांततापूर्ण आणि लोकशाही मार्गाने निवडणुका होत आहेत. तसेच येथे संसद भवन, सरकार अस्तित्वाकर आहे. हे सरकार देशाची संबंधित निर्णय घेत असते. मात्र अधिकृत मान्यता नसल्याने जागतिक पातळीवर या देशाचा आवाज ऐकला जात नाही.

5 / 6

एवढंच नाही तर एडनच्या आखाताखाली तेल, नैसर्गिक वायू आणि मत्ससंपदा मोठ्या प्रमाणात आहे. मात्र आंतरराष्ट्रीय मान्यता नसल्याने सोमालीलँडला तिचा वापर करता येत नाही. जगाच्या नजरेत सोमालीलँड हा एकप्रकारे नो मॅन्स लँड आहे.

6 / 6

मात्र एडनचं आखात हा जगभरातील एक प्रमुख सागरी मार्ग असल्याने अमेरिकेपासून चीनपर्यंत अनेक बलाढ्य देश या मार्गावर लक्ष ठेवून असतात. इथिओपियासारखे काही देश सोमालीलँडला मान्यता देण्याचे संकेत देतात. पण अधिकृतरीत्या अद्याप कुणीही या देशाला मान्यता दिलेली नाही.