किम जोंग-उनचा रुद्रावतार! काल क्षेपणास्त्राची चाचणी घेतली अन् आज स्वतः हातात बंदूक घेऊन केला गोळ्यांचा वर्षाव; थरारक व्हिडिओ समोर

उत्तर कोरियाचे नेते किम जोंग उन पुन्हा एकदा त्यांच्या लष्करी शैलीमुळे चर्चेत आले आहेत. त्यांनी त्यांची मुलगी जू एई हिच्यासोबत एका शस्त्रास्त्र कारखान्याला भेट दिली.

उत्तर कोरियाचे नेते किम जोंग उन यांनी बुधवार, ११ मार्च रोजी एका दारूगोळा कारखान्याला भेट दिली. राज्य माध्यम केआरटीने प्रसिद्ध केलेल्या फुटेजमध्ये किम त्यांची मुलगी जू एई सोबत शस्त्रांची चाचणी करताना दिसत आहेत.

किम जोंग उन यांनी कारखान्यावर पिस्तूलमधून गोळ्या झाडून आपल्या लष्करी सामर्थ्याचे प्रदर्शन केले.

सैन्याची लढाऊ कार्यक्षमता वाढवण्यासाठी उत्पादन प्रक्रियेचे आधुनिकीकरण आणि कारखान्याची क्षमता वाढवण्यावर त्यांनी भर दिला आहे. किम आणि त्याची मुलगी ब्लॅक लेदर जॅकेटमध्ये दिसली. जू ए यांनी लष्करी अधिकाऱ्यांसोबत शूटिंग ड्रिलमध्ये देखील सक्रियपणे भाग घेतला.

सैन्याची लढाऊ कार्यक्षमता वाढवण्यासाठी उत्पादन प्रक्रियेचे आधुनिकीकरण आणि कारखान्याची क्षमता वाढवण्यावर त्यांनी भर दिला आहे. किम आणि त्याची मुलगी ब्लॅक लेदर जॅकेटमध्ये दिसली. जू ए यांनी लष्करी अधिकाऱ्यांसोबत शूटिंग ड्रिलमध्ये देखील सक्रियपणे भाग घेतला.

आपल्या भेटीदरम्यान, किम जोंग उन यांनी शस्त्रास्त्र निर्मिती कारखान्याची बारकाईने पाहणी केली. त्यांनी सांगितले की, लष्कराची लढाऊ क्षमता वाढविण्यात हा कारखाना महत्त्वाची भूमिका बजावतो.

किम जोंग उन यांची मुलगी जू एई हिला अलिकडेच त्यांच्यासोबत लष्करी दौऱ्यांवर जाताना अनेकदा पाहिले आहे. यावेळी, ती तिच्या वडिलांसोबत एका दारूगोळा कारखान्यात खांद्याला खांदा लावून चालताना दिसली.

फोटोंमध्ये जू एई लष्करी अधिकाऱ्यांसोबत पिस्तूल चालवताना दिसत आहे. यापूर्वी, किम एका नवीन विनाशकारी जहाजावर क्षेपणास्त्र चाचणीचे नेतृत्व करताना देखील दिसली होती.