स्ट्रेट होर्मुझ खुले करण्यासाठी उतरणार 'त्रिपोली'; अमेरिकेच्या घातक प्लॅनमुळे इराणसमोर नवं चॅलेंज

1 / 10

इराणविरुद्ध युद्धात अमेरिका आणखी एक युद्ध नौका उतरवण्याच्या तयारीत आहे. या युद्धनौकेचे नाव आहे त्रिपोली...अमेरिकन राष्ट्रपती डोनाल्ड ट्रम्प स्ट्रेट होर्मुझ खुले करण्यासाठी प्रयत्नशील आहेत. त्यात त्रिपोली युद्धनौकेची युद्धक्षेत्रात एन्ट्री महत्त्वाची मानली जाते

2 / 10

अमेरिका-इस्रायलविरुद्ध इराण या युद्धात त्रिपोली युद्धनौका महत्त्वाची भूमिका निभावू शकते असं बोलले जाते. ५०,००० टन वजनाचे हे महत्त्वाकांक्षी हल्ला करणारे जहाज ३१ व्या मरीन एक्सपेडिशनरी युनिटचे (MEU) २,००० हून अधिक मरीन सैनिकांना घेऊन जात आहे.

3 / 10

नाव न सांगण्याच्या अटीवर एका अधिकाऱ्याने सांगितले की, या युनिटला आणि 'त्रिपोली' या युद्धनौकेला पश्चिम आशियात पाठवण्याचे आदेश देण्यात आले आहेत. या हालचालीमुळे या प्रदेशातील सैनिकांच्या संख्येत लक्षणीय वाढ होईल.

4 / 10

अत्याधुनिक लढाऊ विमानांनी सुसज्ज असलेले हे महाकाय जहाज सध्या श्रीलंकेच्या दक्षिणेला दक्षिण हिंद महासागरात आहे. युएसएस अब्राहम लिंकन कॅरियर स्ट्राइक ग्रुपला बळकटी देण्यासाठी ते ओमानच्या आखातात तैनात केले जात आहे.

5 / 10

या जहाजाचे वैशिष्ट्ये म्हणजे युएसएस त्रिपोली, जे ८४४ फूट लांब आहे (युएसएस फोर्ड, १,१०६ फूट लांब, हे जगातील सर्वात मोठे युद्धजहाज आहे). त्यावर एफ-३५, एमव्ही-२२ ऑस्प्रे आणि एमएच-६०एस सीहॉक हेलिकॉप्टर आहेत. शत्रूच्या भूमीवर मरीन सैनिकांना उतरवण्यासाठी त्यावर एक लँडिंग शिप डेक देखील आहे. २२-२३ मार्चच्या सुमारास युद्धभूमीवर पोहोचू शकते असं सांगितले जाते.

6 / 10

होर्मुझची सामुद्रधुनी उघडण्यासाठी त्रिपोलीचा वापर हा एक डाव - होर्मुझची सामुद्रधुनी उघडण्यासाठी युएसएस त्रिपोलीचा वापर केला जाऊ शकतो. अमेरिका आणि इस्रायलच्या हल्ल्यांनंतर इराणने होर्मुझची सामुद्रधुनी बंद केली आहे. ही ३३ किलोमीटर लांबीची सामुद्रधुनी जगभरातून इंधन पुरवठा करणाऱ्या जहाजांद्वारे वापरली जाते.

7 / 10

इराणने उघडपणे इशारा दिला आहे की ते अमेरिकी आणि इस्रायली जहाजांना या सागरी मार्गाचा वापर करू देणार नाहीत. इराणच्या या भूमिकेनंतर ट्रम्प यांनी आपल्या सर्व मित्र राष्ट्रांना होर्मुझची सामुद्रधुनी खुली करण्यासाठी आपली युद्धनौका पाठवण्याचे आवाहन केले. परंतु काही मोजके देश वगळता त्यांना इतर कोणत्याही देशाकडून सकारात्मक प्रतिसाद मिळाला नाही. अशा परिस्थितीत अमेरिका त्रिपोलीमार्फत एक महत्त्वपूर्ण पाऊल उचलू शकते.

8 / 10

अमेरिकेच्या राष्ट्रपतींनी इराणमध्ये सैन्य पाठवण्याचा पर्याय अद्याप खुला ठेवला आहे. गुरुवारी रात्री प्रसारमाध्यमांशी बोलताना ट्रम्प यांनी मी कुठेही सैन्य पाठवत नाहीये, जरी मी पाठवणार असतो, तरी मी तुम्हाला नक्कीच सांगितले नसते. पण मी सैन्य पाठवत नाहीये असं सांगितले. युद्धाची परिस्थिती आणि बदलती परिस्थिती पाहता, अमेरिका भूदल तैनात करण्याची कोणतीही घोषणा करणार नाही. हे सर्व युद्धाच्या परिस्थितीवर आणि इराणने आखाती देशांवर केलेल्या हल्ल्यांवर अवलंबून असेल.

9 / 10

होर्मुझ सामुद्रधुनीत जगातील अनेक देशात कच्चे तेल आणि गॅसची वाहतूक होते. इस्रायल-अमेरिकेसोबत युद्ध सुरू झाल्यानंतर इराणने होर्मुझ सामुद्रधुनीतून तेल-गॅस वाहतूक करण्यास बंदी घातली आहे. त्यामुळे जागतिक बाजारात तेलाच्या किंमती वाढल्या आहेत.

10 / 10

होर्मुझ सामुद्रधुनी खुली करण्यासाठी अमेरिकन सैन्यही प्रयत्न करत आहेत. अमेरिकेच्या सेंट्रल कमांडकडून होर्मुझच्या सामुद्रधुनीत इराणविरोधात करण्यात आलेल्या कारवाईचा व्हिडीओ प्रदर्शित करण्यात आला आहे. यात काही युद्धनौकांवर रॉकेट हल्ले केले केल्याचे दिसत आहेत.