CoronaVirus News : कोरोनाचा उद्रेक! तब्बल 81 देशांमध्ये दुसरी लाट; WHO ने दिला गंभीर इशारा

1 / 15

कोरोना व्हायरसमुळे सर्वत्र चिंतेचे वातावरण निर्माण झाले आहे आहे. जगभरात कोरोनाबाधित रुग्णांची संख्या ही दिवसेंदिवस वाढत चालली आहे.

2 / 15

कोरोनावर मात करण्यासाठी बहुतांश देशांत लॉकडाऊन सुरू आहे. असे असतानाही कोरोनामुळे मृतांचा आकडा वाढतच चालला आहे. अनेक देशांमध्ये गंभीर परिस्थिती निर्माण झाली आहे.

3 / 15

अमेरिका, चीन, इटली आणि स्पेनसारख्या देशात या व्हायरसने कहर केला आहे. या देशांमधील मृतांचा आकडाही दिवसेंदिवस वाढत चालला आहे. कोरोनाला रोखण्यासाठी सर्वोतोपरी प्रयत्न केले जात आहेत.

4 / 15

कोरोनामुळे आतापर्यंत 470,703 हून अधिक लोकांना आपला जीव गमवावा लागला आहे. तर 9,046,208 लोकांना त्याचा संसर्ग झाल्याची माहिती मिळत आहे. तर 4,838,345 लोक बरे झाल्याची माहिती मिळत आहे.

5 / 15

कोरोनापुढे अमेरिकेसारखा मोठा देशही हतबल झाला आहे. महासत्ता असलेल्या अमेरिकेतही मृतांचा आकडा वाढताना दिसत आहे. अमेरिकेत कोरोना विषाणूची लागण झालेल्यांची संख्या सर्वाधिक आहे.

6 / 15

कोरोनाच्या संकटात आणखी एक चिंताजनक माहिती समोर येत आहे. 81 देशांमध्ये कोरोना व्हायरसची दुसरी लाट सुरू होत असल्याची माहिती मिळत आहे.

7 / 15

जगभरातील कोरोनाग्रस्तांची संख्या तब्बल 9 लाखांवर गेली आहे. चीनमध्ये पुन्हा कोरोनाचा कहर पाहायला मिळत आहे. गेल्या काही दिवसांपासून राजधानी बीजिंगमध्ये नवीन प्रकरणं समोर येत आहेत.

8 / 15

अमेरिका, पाकिस्तान, बांगलादेश, इस्रायल, स्वीडन, दक्षिण आफ्रिका, ब्राझील इत्यादी देशांमध्ये कोरोनाचा हाहाकार पाहायला आहे. फक्त 36 देशांमध्ये कोरोना व्हायरसची प्रकरणं कमी झाली आहेत.

9 / 15

जागतिक आरोग्य संघटनेचे प्रमुख डॉ. टेड्रोस गेब्रेयसेस यांनी दिलेल्या माहितीनुसार, बहुतेक देशांमध्ये अनलॉकमुळे कोरोनाचा धोका वाढला आहे.

10 / 15

कोरोना व्हायरसपासून बचावासाठी असलेल्या नियमांचं नागरिक उल्लंघन करत आहेत. मास्कही नीट लावत नाही. त्यामुळे या देशांमध्ये गेल्या काही आठवड्यात संक्रमण झपाट्याने वाढल्याचं त्यांनी म्हटलं आहे.

11 / 15

दक्षिण आशिया, मध्य पूर्व आणि आफ्रिकी देशांची परिस्थिती आणखीन खराब होण्याची शक्यता असल्याचं देखील टेड्रोस गेब्रेयसेस यांनी सांगितलं आहे. एका हिंदी वेबसाईटने याबाबतचे वृत्त दिले आहे.

12 / 15

भारतात गेल्या चोवीस तासांमध्ये 15 हजारांपेक्षा अधिक नवे कोरोना रुग्ण आढळून आले. त्यामुळे एकूण रुग्णसंख्या आता 4 लाखांपेक्षा अधिक झाली आहे.

13 / 15

कोरोनामुळे देशात गेल्या चोवीस तासांत 306 जणांचा बळी गेला. त्यामुळे या आजाराने मृत्यू झालेल्यांची एकूण संख्या आता 13 हजारांहून अधिक झाली आहे.

14 / 15

देशामध्ये महाराष्ट्रात कोरोनाचे सर्वाधिक रुग्ण असून त्यानंतर तामिळनाडूमध्ये कोरोनाचे सर्वाधिक रुग्ण असल्याची माहिती मिळत आहे.

15 / 15

सध्या देशात अनेक रुग्णांवर उपचार सुरू आहेत. पूर्णपणे बरे झालेल्या कोरोना रुग्णांची संख्या दोन लाखांच्या वर आहे. एकूण रुग्णांपैकी 55 टक्के लोक या आजारातून पूर्णपणे बरे झाले आहेत.