विवेक अन् रीमा लागूंची एकुलती एक मुलगी मृण्मयी काय करते? आमिर खानशी आहे कनेक्शन

अभिनेते विवेक लागू यांचं कालच निधन झालं. तर रीमा लागूंनी २०१७ मध्ये जगाचा निरोप घेतला. त्यांची लेक मृण्मयी लागू नक्की काय करते वाचा

बॉलिवूडप्रमाणेच मराठी सिनेसृष्टीतही अनेक कलाकारांची मुलं याच इंडस्ट्रीत काम करत आहेत. नीना कुलकर्णी, सचिन -सुप्रिया पिळगांवकर, लक्ष्मीकांत बेर्डेसह अनेक कलाकारांची मुलं आज कलाविश्वात आपलं स्थान निर्माण करत आहेत.

त्यापैकीच एक विवेक लागू आणि रीमा लागू यांची मुलगी मृण्मयी लागू. विवेक लागू यांचं काल वयाच्या ७४ व्या वर्षी निधन झालंय. तर रीमा लागू २०१७ मध्येच हे जग सोडून गेल्या.

त्यांची मुलगी मृ्ण्मयी लागू हिंदी इंडस्ट्रीत सक्रीय आहे. दिसायला आईप्रमाणेच अगदी सुंदर अशी मृण्मयी. तिच्यात वडिलांचं लेखनाचं टॅलेंट आलं आहे.

तापसी पन्नूचा 'थप्पड' सिनेमा आठवत असेलच. मृण्मयीनेच याचं लेखन केलं होतं. तसंच गाजलेल्या 'स्कूप' सीरिजचीही ति लेखिका आहे.

मृण्मयीने आमिरच्या अनेक सिनेमांसाठी काम केलं आहे.'३ इडियट्स','जिंदगी ना मिलेगी दोबारा','तलाश','वी आर फॅमिली' या सिनेमांसाठी तिने सहाय्यक दिग्दर्शक म्हणून काम केलं आहे. आमिरच्या 'सत्यमेव जयते' या टीव्ही शोच्या पहिल्या सीझनसाठीही ती सहाय्यक दिग्दर्शक होती.

'दंगल','पीके','गुलाब गँग' या सिनेमांमध्ये तिने स्क्रिप्ट सुपरव्हायजर म्हणून काम केले आहे. तसंच तिला इंग्लिश थिएटरची आवड आहे. तिने काही इंग्रजी नाटकांमध्ये कामही केलं आहे.

मृण्मयीने अभिनयही केला आहे. 'बयो' या मराठी सिनेमासाठी तिला झी गौरव पुरस्कारही मिळाला होता. २०१० मध्ये तिने 'हॅलो जिंदगी' या हिंदी सिनेमातून पदार्पण केलं होतं.

२०१४ मध्ये मृण्मयीने असिस्टंट दिग्दर्शक विनय वायकूळसोबत लग्न केलं. सध्या ती संसार आणि करिअर दोन्ही चांगल्या पद्धतीने हाताळत आहे.