कॉलेज तरुणीला बाईकवर स्टंट करणे पडले भारी; Video व्हायरल होताच पडल्या बेड्या
By ऑनलाइन लोकमत | Published: March 11, 2021 01:12 PM2021-03-11T13:12:48+5:302021-03-11T13:31:50+5:30
Woman held for ‘bike stunt’ : ही तरुणी बारडोलीवरून सूरतला फक्त स्टंट करण्यासाठी आणि व्हिडीओ बनविण्यासाठी येत होती.
सूरतच्या रस्त्यांवर भरदिवसा आणि रात्री बिनदिक्कतपणे बाईकवर स्टंटबाजी करणे एका तरुणीला चांगलेच महागात पडले आहे. व्हिडीओ व्हाय़रल होताच पोलिसांनी सूरतच्या डुम्मस भागात स्टंट करणाऱ्या या तरुणीला अटक केली आहे.
ही तरुणी सुरतच्या रस्त्यांवर हात सोडून बाईक चालवत स्टंट करत तिच्यासह लोकांचा जीव धोक्यात घालत होती.
महत्वाचे म्हणजे ही तरुणी बारडोलीवरून सूरतला फक्त स्टंट करण्यासाठी आणि व्हिडीओ बनविण्यासाठी येत होती.
हे काढलेले व्हिडीओ ती तिच्या सोशल मीडियावर अपलोड करत होती. यावेळी ती हेल्मेट गार्ड वापरू नका असा संदेश देत नसल्याचे त्या खाली नमूद करत होती.
सूरत पोलिसांनी या तरुणीला डुम्मस भागात स्टंट करण्याचा आरोपाखाली अटक केली आहे. शिवाय कोरोना गाईडलाईनुसार मास्क न वापरणे यावरही कारवाई करण्यात आली आहे.
तरुणीचा व्हिडीओ व्हाय़रल झाल्यानंतर जेव्हा पोलिसांनी याचा तपास केली तेव्हा बाईकचे रजिस्ट्रेशन बिलाल घांची या व्यक्तीच्या नावे आढळले.
त्याला पकडल्यानंतर त्याने ही बाईक फोटोग्राफीसाठी संजना उर्फ पिन्सी प्रसाद या तरुणीला दिल्याचे सांगितले.
पोलिसांनी या तरुणीला शोधून काढले, तेव्हा ती बारडोलीची असल्याचे समोर आले. ही तरुणी बाईक चालविण्यासाठी सुरतला येत होती.
संजना ही कॉलेज विद्यार्थीनी असून दुसऱ्या वर्षात शिकत आहे. तिचे इन्स्टाग्रामवर 3.27 लाख फॉलोअर्स आहेत.
धक्कादायक बाब म्हणजे तिने आतापर्यंत 80 हून अधिक बाईक स्टंटचे व्हिडीओ बनविले असून ते सारे इन्स्टावर पोस्ट केले आहेत.