तुमच्या ‘पीएफ’ अकाउंटला नॉमिनी आहे का? जाणून घ्या, याबाबत सविस्तर...

1 / 9

नवी दिल्ली : कर्मचारी भविष्य निर्वाह निधी म्हणजेच प्रॉव्हिडंट फंड (पीएफ) हा प्रत्येकाचा जिव्हाळ्याचा विषय असतो. निवृत्तीनंतर याच निधीतील संचित रक्कम उपयोगाला येत असते.

2 / 9

शिवाय अडीअडचणीच्या काळातही प्रॉव्हिडंट फंड कामाला येत असतो. त्यामुळे या निधीविषयी प्रत्येकाला आस्था असते. मात्र, प्रॉव्हिडंट फंड अकाऊंटला आपल्या पश्चात कोणीतरी नॉमिनी असणे गरजेचे आहे.

3 / 9

४ मार्च १९५२ केंद्रीय श्रम आणि रोजगार मंत्रालयाच्या अखत्यारित देशभरातील साडेचार कोटी कर्मचाऱ्यांचे पीएफ अकाऊंट आहे.

4 / 9

पीएफ अकाऊंटवरील व्यवहार आता ऑनलाइनही करता येतो. पूर्वी पीएफ कार्यालयात जाऊन सर्व अर्ज भरून सादर करावे लागत असे. मात्र, आता बहुतांश व्यवहार ऑनलाइन झाल्याने कर्मचाऱ्यांसाठी सोयिस्कर झाले आहे.

5 / 9

पीएफ संकेतस्थळाला भेट द्या. संकेतस्थळावरील सर्व्हिस लिंकवर क्लिक करून एम्प्लॉइज सेक्शनमधील ‘फॉर एम्प्लॉइज’ यावर क्लिक करा.त्यानंतर मेंबर यूएएन वा ऑनलाइन सर्व्हिस यावर क्लिक करा.

6 / 9

तुम्हाला लॉग-इन करण्यास सांगितले जाईल. तुमचा टाकून पासवर्ड टाका व क्लिक करा. या ठिकाणी ‘ई-नॉमिनेशन’ हा पर्याय असेल त्यावर क्लिक करून तपशील भरा.

7 / 9

तपशील भरून झाल्यावर ‘सेव्ह ईपीएफ नॉमिनेशन’ या पर्यायावर क्लिक करा. ओटीपीसाठी ‘ई-साइन’वर क्लिक करा. ओटीपी आला की तो भरा आणि ई-नॉमिनेशन सबमिट करा.

8 / 9

अनेकदा निवृत्तीनंतर पीएफ अकाऊंटमधील रक्कम काढली जाते. मुलाचा वा मुलीचा विवाह, त्यांचे शिक्षण वा घर खरेदी या कारणांसाठीही पीएफमधून रक्कम काढता येते.

9 / 9

पीएफ अकाऊंट सुरू झाले की त्यावर आपल्या उत्तराधिकाऱ्याच्या नावाची नोंद करणे आत्यंतिक गरजेचे आहे. अथवा दुर्दैवी घटनेनंतर पीएफ अकाऊंटमधील रक्कम काढणे मुश्कील होऊ शकते.