Medicine: 1 एप्रिलपासून दरवाढ, पेनकिलरची किंमत ऐकूनच दुखू लागेल डोकं!

१ एप्रिलपासून लोकांना यासाठी जादा पैसे मोजावे लागणार आहेत. एनपीपीएने औषधांचे दर १०.७ टक्क्यांनी वाढवण्यास मंजुरी दिली. केंद्र सरकारने याला हिरवा कंदील दिला आहे.

रोज होत असलेली इंधनदरवाढ आणि स्वयंपाकाचा गॅस सिलिंडर महागल्याने सर्वसामान्यांच्या अडचणी दिवसेंदिवस वाढू लागल्या आहेत. अशातच आरोग्य चांगले राखण्यासाठी आवश्यक जवळपास ८०० औषधांच्या किमती १० टक्क्यांनी वाढणार आहेत.

१ एप्रिलपासून लोकांना यासाठी जादा पैसे मोजावे लागणार आहेत. एनपीपीएने औषधांचे दर १०.७ टक्क्यांनी वाढवण्यास मंजुरी दिली. केंद्र सरकारने याला हिरवा कंदील दिला आहे.

जाणकारांच्या मते औषधे तयार करण्यासाठी लागणाऱ्या विविध सक्रिय घटकांच्या (एपीआय) किमती दोन वर्षात १५ टक्के ते १३० टक्क्यांनी वाढल्या आहेत. पॅरासिटामॉलची किंमत १३० टक्क्यांनी वाढली आहे.

औषधी गोळ्या तयार करण्यासाठी लागणारे परंतु स्वत:ला कोणताही औषधी गुणधर्म नसणारे सहायकांच्या (एक्सिपिअंट) किमती १८ ते २६२ टक्क्यांच्या दरम्यान वाढल्या आहेत.

द्रवरूप औषधे, सिरप, ओरल ड्रॉप्स आदी तयार करण्यासाठी ग्लिसरिन, प्रोपीलीन ग्लायकॉल तसेच त्यासाठी लागणारे सॉल्वंट्सच्या किमती ८३ टक्के ते २६३% वाढल्या आहेत.

औषधांमध्ये लागणाऱ्या इतर मध्यवर्ती घटकांच्या किमती ११ ते १७५ टक्क्यांनी वाढल्या आहेत. 'पेनिसिलिन जी'ची किंमत १७५ टक्क्यांनी वाढली आहे.

यामुळे देशातील एक हजारहून अधिक औषध निर्मात्या कंपन्यांनी एकत्र येऊन सरकारला अनुसूचित औषधांच्या किमती १० टक्क्यांनी तर इतर औषधांच्या किमती २० टक्क्यांनी वाढवण्याची मागणी केली होती.

यामुळे देशातील एक हजारहून अधिक औषध निर्मात्या कंपन्यांनी एकत्र येऊन सरकारला अनुसूचित औषधांच्या किमती १० टक्क्यांनी तर इतर औषधांच्या किमती २० टक्क्यांनी वाढवण्याची मागणी केली होती.

का होतेय भाववाढ? घाऊक महागाई दरात वाढ झाल्याने औषधांच्या किमती वाढवाव्या लागत आहेत. उत्पादन खर्चात खूप वाढ झाली आहे.